4,5 myń ýchaskelik polıtsııa jetispeıdi – Erjan Sádenov

ASTANA. KAZINFORM — Elimiz boıynsha 326 ýchaskelik polıtsııa pýnkti jetispeıdi. Bul týraly Іshki ister mınıstri Erjan Sádenov aıtty.

- Quqyq buzýshylyqtyń aldyn alýdaǵy negizgi tulǵa – ýchaskelik polıtseıler. Búginde olarǵa júktemeniń shamadan tys ekeni anyq. Shtat normatıvke sáıkes kelmeıdi. Qosymsha 4,5 myń kerek. Materıaldyq-tehnıkalyq jabdyqtaýda da máseleler bar. 326 ýchaskelik polıtsııa pýnkti jetispeıdi. 124 ÝPP ashý kózdelgen edi. Alaıda 97-si ǵana ashyldy. Birqatar óńirde bul jumystar áli aıaqtalǵan joq, - dedi Erjan Sádenov ІІM-de ótip jatqan Úkimet saǵatynda. 

Onyń aıtýynsha, ýchaskelik polıtsııa qyzmetkerlerine 2 myń kólik, 2,5 myń kompıýter, 2 myńnan astaa radıostansa qajet.

- Árıne, jabdyqtalýdyń mundaı deńgeıi jumys sapasyna da áser etedi. Máseleni Іshki ister mınıstrligi barlyq deńgeıde, onyń ishinde bul qyzmetterdiń jergilik bıýdjet esebinen qamtamasyz etiletindigine baılanysty ákimderdiń aldynda da birneshe márte kóterildi. Barlyǵyna jeke-jeke hat jiberildi. Jyl qorytyndysynda aldyn alý jónindegi vedomstvoaralyq komıssııaǵa shyǵaramyz. Jaýapkershilik máselesin qarastyrýǵa bastamashylyq jasaımyz, - dedi mınıstr.