44 jastaǵy kelinshek máńgi jas bolyp qalatyn alǵashqy áıel bolmaq
ASTANA. QazAqparat - Eki balanyń anasy, qaısar zertteýshi Elızabet Perrısh ǵylymı tájirıbege qatysyp jatyr. Ol aǵzanyń qartaıýyn toqtatý úshin genomyn ózgertken tarıhtaǵy alǵashqy áıel atandy.
Bıyl kúzde 44 jastaǵy amerıkalyq zertteýshi Elızabet Perrıshtiń tamyryna genetıkalyq materıal engizdi. Ol aǵzadaǵy ár jasýshaǵa enip, qartaıýdy toqtatady. Bul adam densaýlyǵyna qalaı áser etetini ázirge belgisiz.
«Biz belgili bir paıdaly gendi alamyz. Sonymen qatar vırýsty alyp, ony tazartamyz - aýrýdy taratý múmkindiginen aıyramyz. Vırýs ishine gen engizip, bul qurylymdy aǵzaǵa engizemiz», - dep túsindirdi ǵalym. Elızabet sózine qaraǵandy, ári qaraı vırýs vektory jasýshalarǵa tarap, gendi jyljytyp, jasýshalardyń ıadrosyna ornatady. Osylaısha jasarý men saýyǵýǵa qajetti beloktardyń bóliný belsendiligi artady.
Úsh aıdan keıin alǵashqy bıologııalyq qorytyndylar jasalyp, qatysýshy jan-jaqty tekseriledi, dep jazady sheteldik BAQ.
