44 gradýs ystyq: Qazgıdromet 1 tamyzǵa arnalǵan aýa raıy boljamyn jarııalady
ASTANA. KAZINFORM – 1 tamyzda Qazaqstannyń 14 oblysynda aptap ystyq, naızaǵaı, burshaq, daýyl, shańdy daýyl jáne qatty jelge baılanysty daýyldy eskertý jarııalandy, dep habarlaıdy «Qazgıdromet».
Astanada kúnniń ekinshi jartysynda jańbyr, naızaǵaı jáne burshaq kútiledi. Ońtústik-shyǵys jeli kúndiz ekpinin sekýndyna 15-20 metrge deıin kúsheıtedi. Aýa temperatýrasy 35-37 gradýsqa deıin kóteriledi.
Almatyda kúndiz 35-37 gradýsqa deıin qatty ystyq bolady. Qalada tótenshe órt qaýpi saqtalady.
Shymkentte soltústik-shyǵys jeliniń ekpini 15-20 m/s-qa deıin jetedi. Kúndiz aýa temperatýrasy 40-41 gradýs bolady. Qalada tótenshe órt qaýpi jarııalanǵan.
Abaı oblysynda ońtústik-shyǵys jeli ońtústik-batysqa aýysyp, ońtústigi men ortalyǵynda ekpini 15-18 m/s bolady. Kúndiz 35-37 gradýs ystyq kútiledi. Óńirdiń ońtústigi men ortalyǵynda joǵary, soltústik-shyǵysynda tótenshe órt qaýpi saqtalady.
Aqmola oblysynda túnde batysynda, soltústiginde jáne ońtústiginde jańbyr jaýyp, naızaǵaı oınaıdy. Kúndiz oblystyń soltústiginde, ońtústiginde jáne shyǵysynda jańbyr, naızaǵaı, burshaq, daýyl kútiledi. Jeldiń ekpini 15-20 m/s bolady. Oblystyń ońtústigi men shyǵysynda aýa temperatýrasy 37 gradýsqa deıin kóteriledi. Batysynda tótenshe órt qaýpi saqtalady.
Almaty oblysynda shyǵys jáne soltústik-shyǵys jeli kúsheıip, shyǵysynda jáne taýly aýdandarynda ekpini 15-20 m/s bolady. Kúndiz 35-39 gradýs aptap ystyq kútiledi. Soltústigi, batysy men ońtústiginde tótenshe, shyǵysynda joǵary órt qaýpi saqtalady.
Atyraý oblysynyń soltústigi men shyǵysynda kúndiz ótkinshi jańbyr, naızaǵaı jáne shańdy daýyl bolady. Jeldiń ekpini 15-18 m/s-qa jetedi. Aýa temperatýrasy 35 gradýsqa deıin kóteriledi. Oblysta tótenshe órt qaýpi saqtalady.
Shyǵys Qazaqstan oblysynyń soltústigi, shyǵysy jáne ońtústiginde jańbyr, naızaǵaı, burshaq kútiledi. Túnde jáne tańerteń soltústikte tuman túsedi. Jeldiń ekpini 15-18 m/s bolady. Kúndiz aýa temperatýrasy 35 gradýsqa deıin jetedi. Ońtústiginde tótenshe órt qaýpi saqtalady.
Jambyl oblysynda soltústik-shyǵys jeli oblystyń ońtústik-batysynda, soltústik-shyǵysynda jáne taýly aýdandarynda 15-20 m/s-qa deıin kúsheıedi. Kúndiz aýa temperatýrasy 38-40 gradýs bolady. Oblys aýmaǵynda tótenshe, shyǵysy men ońtústiginde joǵary órt qaýpi saqtalady.
Jetisý oblysynda Alakól aýdanynda soltústik-shyǵys jeliniń ekpini 15-20 m/s, kúndiz keı ýaqytta 25 m/s-qa deıin kúsheıedi.
Batys Qazaqstan oblysynyń batysynda, soltústiginde jáne shyǵysynda jańbyr men naızaǵaı kútiledi. Batys jáne soltústik-batys jeliniń ekpini 15-20 m/s bolady. Oblysta joǵary, al batysy men ońtústiginde tótenshe órt qaýpi saqtalady.
Qostanaı oblysynyń batysynda, soltústiginde jáne shyǵysynda jańbyr, naızaǵaı, keı jerlerde nóser jańbyr, burshaq jáne daýyl bolady. Jeldiń ekpini 23-28 m/s-qa deıin jetedi. Ońtústiginde aýa temperatýrasy 35 gradýsqa deıin kóteriledi. Batysy, shyǵysy men ortalyǵynda joǵary, ońtústigi men ońtústik-shyǵysynda tótenshe órt qaýpi saqtalady.
Qyzylorda oblysynda túnde soltústiginde soltústik-batys jeli 15-20 m/s-qa deıin kúsheıedi. Kúndiz aýa temperatýrasy 40-43 gradýsqa deıin jetedi. Óńirde tótenshe órt qaýpi saqtalady.
Mańǵystaý oblysynda soltústik-batys jáne soltústik jeldiń ekpini kúndiz 15-18 m/s bolady. Aýa temperatýrasy 38-40 gradýsqa deıin kóteriledi. Batysy men soltústiginde joǵary, soltústik-shyǵysy men ortalyǵynda tótenshe órt qaýpi saqtalady.
Pavlodar oblysynyń batysy men soltústiginde ótkinshi jańbyr, naızaǵaı, burshaq jáne daýyl kútiledi. Jeldiń ekpini 15-20 m/s bolady. Kúndiz aýa temperatýrasy 35-38 gradýsqa deıin kóteriledi. Soltústiginde joǵary, shyǵysynda tótenshe órt qaýpi saqtalady.
Soltústik Qazaqstan oblysynda jańbyr, naızaǵaı, oblystyń batysynda, soltústiginde jáne ońtústiginde qatty jańbyr, burshaq jáne daýyl kútiledi. Jeldiń ekpini 23-28 m/s-qa deıin jetedi. Oblystyń ońtústik-batysynda joǵary órt qaýpi saqtalady.
Túrkistan oblysynyń batysy men soltústiginde kúndiz shańdy daýyl kútiledi. Soltústik-shyǵys jeliniń ekpini 15-20 m/s bolady. Aýa temperatýrasy 40-44 gradýsqa deıin kóteriledi. Oblysta tótenshe órt qaýpi saqtalyp, shyǵysynda, soltústiginde jáne ońtústik-batysynda joǵary órt qaýpi jarııalanǵan.
