44 adam ajal qushqan poıyz apatynan keıin Iran temir jolynyń basshysy otstavkaǵa ketti
ASTANA. QazAqparat - Iran memlekettik temir jol kompanııasynyń basshysy eldiń soltústiginde eki poıyzdyń soqtyǵysýy isi boıynsha 3 qyzmetkeri qamaýǵa alynǵannan keıin otstavkaǵa ketti.
Apattyń oryn alýyna «adam qateligi» sebep bolǵan. Dıspetcher qurama mashınısiniń birine avtomatty baqylaý júıesin sóndirýdi tapsyrady. Eger bulaı bolmaǵan jaǵdaıda buzylyp, toqtap turǵan poıyzǵa soqtyǵysýdyń aldy alynar edi.
Sońǵy derekterge qaraǵanda, apat saldarynan 44 adam qaza tapqan.
Budan buryn, 25 qarashada Semnan provıntsııasyndaǵy Shahrýd qalasyna jaqyn mańda jolaýshylar poıyzy stansada turǵan quramamen betpe-bet soqtyǵysqany habarlanǵan bolatyn. Saldarynan 4 vagon relsten shyǵyp ketip, oqıǵa ornynda órt boldy.
