436 mln teńge urlaǵan kásiporyn basshylaryna qatysty tergeý aıaqtaldy
Qarjylyq monıtorıng agenttigi Almaty qalasy boıynsha departamenti 436 mln teńge qarajatty urlaý faktisi boıynsha «AlanParking» JShS dırektory M.O.Bazarbaevqa jáne «Almaty spetstehparkıng servıs» JShS dırektory M.Ý. Prınbekovke qatysty qylmystyq isti tergeýdi aıaqtady. Bul týraly QazAqparat vedomstvoǵa silteme jasap habarlaıdy.
Sotqa deıingi tergep-tekserý barysynda keltirilgen shyǵyn tolyq kólemde óteldi.
Qylmystyq is sotqa jiberildi.
Qylmystyń negizgi sottalýshysy jáne uıymdastyrýshysy Murat Boranbaevqa halyqaralyq izdeý jarııalandy.
QMA Almaty qalasy boıynsha departamenti qalalyq prokýratýramen birlesip Almaty qalasy ákimdiginiń kommýnaldyq menshigine «Almaty Spetstehparkıng Servıs» JShS 70% úlesin jáne «AlanParking» JShS 100% úlesin qaıtarý boıynsha sharalaryn qabyldady.
