432 500 teńge mólsherinde birjolǵy tólem taǵaıyndaý týraly aqparat jalǵan — mınıstrlik
ASTANA. KAZINFORM — Eńbek jáne halyqty áleýmettik qorǵaý mınıstrligi áleýmettik jelide birjolǵy tólem taǵaıyndaý týraly aqparat shyndyqqa janaspaınyn aıtty.
— Messendjerler men áleýmettik jelilerde 2026 jyly tabysy 232 myń teńgeden tómen otbasylarǵa, sondaı-aq belgili bir syrqaty bar adamdarǵa 432 500 teńge mólsherinde birjolǵy tólem taǵaıyndalatyny týraly taratylyp jatqan aqparat shyndyqqa sáıkes kelmeıdi.
Qoldanystaǵy zańnamada mundaı áleýmettik tólem qarastyrylmaǵanyn habarlaımyz.
Mundaı habarlamalardy kóbinese alaıaqtar jeke derekterge qol jetkizý maqsatynda paıdalanatynyn azamattardyń esine salamyz, — delingen Eńbek jáne halyqty áleýmettik qorǵaý mınıstrligi habarlamasynda.
Memlekettik qoldaý sharalary týraly resmı málimetter tek 1414 nómirinen SMS-habarlamalar arqyly jiberiledi, sondaı-aq memlekettik organdardyń resmı ınternet-resýrstarynda ǵana jarııalanady.
Aıta ketelik Almatyda jańa Konstıtýtsııaǵa qatysty feık taratqan turǵyn jazalanǵan edi.