43 jyl buryn joǵalǵan alpınıstiń máıiti tabyldy
NUR-SULTAN. QazAqparat - Alpi taýlarynda frantsýzdyq qutqarý qyzmeti 43 jyldan beri muz basyp jatqan alpınıstiń máıitin tapty, dep habarlaıdy AFP.
Agenttiktiń aqparatyna qaraǵanda, bul 1976 jylǵy 25 shildede saıahat jasaýǵa ketip, sodan qaıta oralmaǵan 20 jastaǵy Jana-Fransýa Benedettıdiń denesi bolýy múmkin. Birneshe jyl boıy onyń ákesi izdestirgen bolatyn. Biraq esh nátıje bolmaǵan.
Ákesi ómirden ozǵannan soń izdeý jumystarymen alpınıstiń aǵasy jáne dostary shuǵyldandy.
Olar qutqarýshylarǵa «qyzǵylt sary daqty» kórgenderin habarlaǵan. Oqıǵa ornyna bortynda eki qutqarýshy bar tikushaq attanǵan. Olar sol jerden qyzǵylt sary tústi kıim jyrtyndylaryn jáne adam qańqasyn tabady.
Qutqarýshylardyń oıynsha, qańqa - 43 jyl buryn joǵalǵan alpınıstiń súıegi.
Olardyń boljamynsha, jylymyq saldarynan muzdyqtar erip, múrde ashylyp qalǵan.
