43 jasynda alańǵa qaıta oralǵan fýtbolshy
ASTANA. QazAqparat - Italııa quramasynyń jáne osy eldiń «Inter», «ıÝventýs», «Mılan» klýbtarynyń burynǵy shabýylshysy Krıstıan Verı 43 jasynda fýtboldaǵy mansabyn qaıta jalǵastyrýǵa sheshim qabyldady.
Muny forvardtyń ózi Instagram-daǵy paraqshasynda habarlady.
«Meniń keremet jańalyǵym bar. Men fýtbolǵa qaıta oraldym, endi mansabymdy Qytaıda jalǵastyramyn! Eger budan bes aı buryn salmaǵym 101 kılo bolsa, qazir ony 91 kıloǵa deıin túsirdim. Taǵy eki kılo joǵaltsam, oınaýǵa daıyn bolyp shyǵa kelemin», - dep atap kórsetti Verı.
Biraq fýtbolshy Qytaıdyń qandaı komandasynyń sapynda óner kórsetkeli turǵanyn jaza qoımapty.
Kezinde Krıstıan Verı Italııanyń chempıony atandy, Eýropanyń Sýperkýbogyn, Kýbok ıeleriniń Kýbogyn, Italııa Kýbogyn, Italııanyń Sýperkýbogyn jeńip alǵan, Chempıondar lıgasynyń fınalynda oınaǵan. Ol Italııa quramasy sapynda 49 ret alańǵa shyǵyp, 23 gol soqty.
2009 jyldyń qazan aıynda Verı fýtbolshylyq mansabyn aıaqtaǵan bolatyn, dep jazady "Egemen Qazaqstan".
