43 gradýs ystyq, jaýyn: Azamattyq qorǵaý organdary joǵary daıyndyq rejımine kóshti

ASTANA. QazAqparat – Qazaqstannyń azamattyq qorǵaý organdary joǵary daıyndyq rejımine kóshti. Elde kún 43 gradýsqa deıin ysyp, jańbyr jaýýy múmkin, dep habarlaıdy QazAqparat QR Tótenshe jaǵdaılar mınıstrliginiń baspasóz qyzmetine silteme jasap.

«Aldaǵy kúnderi eldiń shyǵys, soltústik-shyǵys jáne ońtústik-shyǵys aımaqtaryna atmosferalyq frontaldy bólikter áser etedi, naızaǵaı oınap, burshaq jaýady kúshti jel turady. Qazaqstannyń qalǵan aýmaǵy soltústik-batys antıtsıklonynyń yqpalynda bolady. Osyǵan baılanysty aýa raıy negizinen jaýyn-shashynsyz bolady dep kútilýde. Búkil kezeń batysta, 9-10 shildede Soltústik-batysta, 10 shildede Qazaqstannyń ortalyǵynda +43 deıin óte kún qatty ysıdy dep kútiledi»,-delingen «Qazgıdromet» habarlamasynda.