43 gradýs ystyq, jel, jańbyr: 15 tamyz kúngi aýa raıy boljamy
ASTANA. KAZINFORM — Qazgıdromet 15 tamyz kúngi aýa raıy boljamyn jarııalady. Birneshe óńirde aýa temperatýrasy 43 gradýsqa deıin jetedi.
Atmosferalyq frontaldy bólikterdiń ótýine baılanysty respýblıkanyń basym bóliginde naızaǵaı oınap, jańbyr jaýady.
Elimizdiń soltústik-batysynda, soltústiginde, shyǵysynda burshaq jaýýy múmkin, soltústik-batysynda, soltústiginde, shyǵysynda jáne ońtústiginde daýyl kútiledi.
Respýblıka boıynsha jeldiń kúsheıýi boljanyp, kúndiz batysta, ońtústikte shańdy daýyl turady. Eldiń batysynda, soltústiginde túnde jáne tańerteń tuman kútiledi.
Kúndiz Abaı, Ulytaý jáne Shyǵys Qazaqstan oblystarynyń ońtústiginde, Almaty oblysynyń soltústiginde, Jetisý oblysynyń soltústiginde, shyǵysynda óte qatty ystyq +41°S-qa deıin kóteriledi.
Kúndiz Aqmola oblysynda +35°S, Almaty, Qaraǵandy, Shyǵys Qazaqstan oblystarynda jáne Jetisý, Ulytaý, Abaı oblystarynda +35…+39°S, Jambyl oblysynda +38…+40°S, Túrkistan oblysynda, Qyzylorda oblysynyń shyǵysy men ońtústiginde +40…+43°S qatty ystyq bolady.
Aıta keteıik, búgin Almaty men taǵy eki qalada aýa sapasy nasharlaıdy.
