43 gradýs aptap: Erteń elimizdiń 11 aımaǵynda kún ysıdy
NUR-SULTAN. QazAqparat - 17 shildede elimizdiń birqatar óńirinde aptap ystyq bolady. Osyǵan baılanysty aımaqtarda eskertý jarııalandy, dep habarlaıdy QazAqparat «Qazgıdromet» RMK baspasóz qyzmetine silteme jasap.
17 shilde túnde Atyraý oblysynda keı jerlerde naızaǵaı jarqyldaıdy. Soltústikten jel soǵady, kúshi - 15-20 m/s. Oblysta jáne Atyraý qalasynda kúndiz 34-39 gradýs ystyq, ońtústikte 42 gradýs jáne óte joǵary órt qaýpi saqtalady.
17 shilde kúndiz Aqtóbe oblysynyń keı jerlerinde kún kúrkireıdi, jeldiń baǵyty ońtústik-shyǵystan soltústik-shyǵysqa aýysady, naızaǵaı kezinde jel ekpini - 18 m/s.
17 shilde Mańǵystaý oblysynda keı jerlerde shańdy daýyl soǵady. Kúndiz oblys boıynsha 38-41 gradýs aptap ystyq saqtalady.
17-18 shilde kúndiz Túrkistan oblysynyń basym bóliginde 40-43 gradýs qatty ystyq bolady.
Shymkent qalasynda da kúndiz - 40 gradýs qatty ystyq.
17-19 shilde Qostanaı oblysynda 35-39 gradýs qatty ystyq kútiledi.
Erteń Aqmola oblysynyń keı jerlerinde soltústik-shyǵystan jáne shyǵystan jel soǵady, kúshi - 15-20 m/s jetedi.
Nur-Sultanda soltústik-shyǵystan jáne shyǵystan kúshti jel soǵady, kúndiz jel ekpini - 15-20 m/s .
17 shildede Qyzylorda oblysynda soltústikten jáne soltústik-shyǵystan jel soǵady, jyldamdyǵy - 15-20 m/s. Kúndiz 40-41 gradýs aptap ystyq jáne óte joǵary órt qaýpi saqtalady.
Erteń Qaraǵandy oblysynda soltústik-shyǵystan jel soǵady, keı jerlerde jel ekpini 23 m/s deıin kúsheıedi jáne joǵary órt qaýpi saqtalady.
Jezqazǵanda kúndiz 36-38 gradýs ystyq bolady.
17-20 shilde kúndiz Jambyl oblysynda keı jerlerde 40°S-qa deıin aptap kútiledi.
