42°S ystyq bolady: aldaǵy úsh kúnge arnalǵan aýa raıy boljamy

ASTANA. KAZINFORM – «Qazgıdromet» RMK sınoptıkteri respýblıka boıynsha 22, 23 jáne 24 shildege arnalǵan aýa raıy boljamyn jarııalady.

Sınoptıkterdiń boljamy boıynsha, respýblıkanyń ońtústiginde termometr 42°C deıin kóteriledi.

Respýblıkanyń batysynda, soltústiginde jáne shyǵysynda atmosferalyq frontaldy bólikterdiń ótýine baılanysty jańbyr jaýyp, naızaǵaı oınaıdy.

22 jáne 24 shildede elimizdiń batysynda nóser jańbyr jaýady. Kúndiz burshaq jaýýy múmkin,

Qalǵan aýmaqta aýa raıy jaýyn-shashynsyz bolady. Respýblıka boıynsha jel kúsheıedi, ońtústikte jáne ońtústik-batysta shańdy daýyl soǵady.

Sondaı-aq respýblıkanyń soltústigi men shyǵysynda túnde jáne tańerteń tuman túsedi.

22-23 shildede kúndiz Aqtóbe oblysynyń ońtústiginde 40°C qatty ystyq bolady. Batysta, soltústikte, Almaty oblysynyń ortalyǵynda aýa temperatýrasy 42°S-qa jetedi.

Sonymen qatar kúndiz respýblıkanyń batysynda 35-39°S aptap ystyq bolady.

Ońtústik-batysta 38-42°S, 24 shildede Qostanaı oblysynyń ońtústiginde 35°S, ortalyq aımaqtarda 35-38°S, respýblıkanyń ońtústiginde 40-42°S, ońtústik-shyǵysta 35-39°S ystyq bolady.

Aıta keteıik, aptap ystyqqa baılanysty úlken tasjoldarda polıtsııa kúsheıtilgen rejımde qyzmet etip jatyr.