426 otbasy zardap shekken: Astanadaǵy zańsyz qurylys isi sotqa jetti

ASTANA. KAZINFORM — Astana qalasynyń prokýratýrasymen «Oazıs», «R-Club» jáne «R-ClubDeluxe» turǵyn úı keshenderiniń úlestik qurylysy boıynsha qylmystyq ister sotqa joldandy.

Astana qalasy prokýratýrasynyń úılestirýimen azamattardyń qarajatyn úlestik qurylysqa zańsyz tartý deregi boıynsha qylmystyq isterdi tergep-tekserý aıaqtaldy.

Іs-áreketteri 426-dan astam otbasynyń múddelerine 8,2 mlrd teńge kóleminde zalal keltirýge ákep soqqan adamdar tobyna qatysty qylmystyq ister sotqa joldandy.

— Tergeý barysynda qylmystyq shemany uıymdastyrýshylar QR zańnamasynyń talaptaryn buza otyryp «Oazıs», «R-Club» jáne «R-ClubDeluxe» turǵyn úı keshenderin salý úshin azamattardyń aqshalaı qarajatyn tıisti ruqsattar almaı tartqany anyqtaldy, — delingen prokýratýra habarlamasynda.

Tartylǵan aqshalaı qarajat kózdelgen maqsatta paıdalanylmady, al obektilerdiń qurylysy tıisti túrde júzege asyrylmady.

— Jábirlenýshilerdiń azamattyq talaptaryn qamtamasyz etý maqsatynda, sottyń sanktsııasymen jyljymaly jáne jyljymaıtyn múlikke, atap aıtqanda 10 páterge, 36 jer ýchaskesine, 16 turǵyn emes úı-jaıǵa, 49 avtomashınaǵa tyıym salyndy, — delingen habarlamada.

Kúdikti 12 tulǵalarǵa qatysty kúzetpen ustaý túrindegi bultartpaý sharasy qoldanyldy.

Aıta ketelik Astanada úleskerler 4 mlrd teńge quıǵan turǵyn úı súrilgen edi.