42500 teńge: Eki jerde jumys isteıtinder de ótinish bergen

ALMATY. QazAqparat - Qalalyq Áleýmettik ál-aýqat basqarmasynyń basshysy Rahat Shımasheva 42 500 teńge kimderge berilmegenin aıtty, dep habarlaıdy QazAqparat tilshisi.

Basqarma basshysynyń aıtýynsha, 471 myń adamnyń ótinishi qanaǵattandyrylmady.

«Tólemderdi taǵaıyndaýdan bas tartýdyń birqatar sebepteri bar. Ótinish bergenderdiń 68%-ynyń Tótenshe jaǵdaı jarııalanǵannan keıin sońǵy 12 aıda áleýmettik aýdarymdardyń/biryńǵaı jıyntyq tólem/ mindetti zeınetaqy jarnalarynyń bolmaǵan. 5,8%-ynyń áleýmettik tólemderin memleketke tıesili kásiporyndar, uıymdar, mekemeler jáne organdar tóleıtini anyqtaldy. 20 %-ynyń memleket tarapynan járdemaqy alýshylar bolyp shyqty. 6%-y 2 jerde jumys isteıtini anyqtaldy. 0,2%-y Qazaqstan Respýblıkasy terrıtorııasynan shyqqandar bolyp shyqty. Sonymen qatar, ótinish berýshi qaıtys bolǵany anyqtaldy. Qalǵany ótinishti qate toltyrǵandyqtan tólem tóleýden bas tartyldy», - dedi Rahat Shımasheva onlaın brıfıng barysynda.

QR Eńbek mınıstriniń 2020 jylǵy 26 naýryzdaǵy №110 Buıryǵy boıynsha áleýmettik tólemderdi júzege asyrý erejelerine sáıkes Basqarma qabyldaǵan qujattar shtabpen óńdelip, Memlekettik korporatsııaǵa jiberiledi. Sodan keıin tólem júrgizý úshin Memlekettik áleýmettik saqtandyrý qoryna jiberiledi.

Buǵan deıin Almatyda qansha adam 42500 teńge kóleminde áleýmettik tólem alǵanyn habarlaǵan bolatynbyz.