421 mln teńge: Oralda sýmen qamtý jabdyqtaryn satyp alý barysynda bıýdjet qarajatyn jymqyrýdyń joly kesildi
ORAL. KAZINFORM — BQO boıynsha ekonomıkalyq tergep-tekserý departamenti «Batys sý arnasy» JShS-men aýyz sýdy zalalsyzdandyrýǵa arnalǵan jabdyqtardy jetkizý jáne ornatý boıynsha memlekettik satyp alýdy júzege asyrý barysynda bıýdjet qarajatyn jymqyrýǵa oqtalý deregi boıynsha sotqa deıingi tergep-tekserýdi bastady.
Departamenttiń baspasóz qyzmetinen málim etkenindeı, sot-taýartaný saraptamasynyń nátıjelerine sáıkes jabdyq qunynyń naryqtyq baǵadan joǵarylatý somasy 421 mln teńge boldy.
- Qazirgi ýaqytta sotqa deıingi tergep-tekserý júrgizilýde. Laýazymdy tulǵalardy ustap alý júrgizilmedi. Sondaı-aq atalǵan sotqa deıingi tergep-tekserý «Batys sý arnasy» JShS-niń negizgi qyzmetine, onyń ishinde jumyskerlerdiń jalaqysyn keshiktirýge áser etpeıdi. QR Qylmystyq-protsestik kodeksiniń 201-babynyń talaptaryna sáıkes ózge aqparat tergeý múddesinde jarııa etýge jatpaıdy, - dep habarlady vedomstvodan.
Eske sala keteıik, budan buryn Oralda 155 mln teńgelik memlekettik satyp alý kezinde jalǵan bank kepildik qujaty anyqtalǵanyn jazǵan edik.
