18:20, 02 Maýsym 2020 | GMT +5
42 jastaǵy Taraz turǵynynan eki qap marıhýana tabyldy
TARAZ. QazAqparat – Taraz qalasynyń turǵynynan 23 keliden astam keptirilgen marıhýana tabyldy, dep habarlaıdy QazAqparat.
Jambyl oblystyq polıtsııa departamentiniń qyzmetkerleri 42 jastaǵy Taraz qalasynyń turǵynyń ustady. Odan eki qap keptirilgen marıhýana tabyldy. Bul týraly atalǵan departamenttiń baspasóz qyzmeti habarlady.
Tabylǵan esirtki zatynyń salmaǵy 23 keliden asady.
«Ustalǵan azamat óz kinásin moıyndady. Ol Taraz qalalyq polıtsııa basqarmasynyń ýaqytsha ustaý ızolıatoryna qamaýǵa alyndy. Atalǵan fakti boıynsha QR QK 296-baby 4-bóligimen sotqa deıingi tergeý bastaldy» delingen vedomstvo habarlamasynda.