42 jastaǵy almatylyq ekpeden soń qaıtys boldy degen kúdik bar
ALMATY. Qazaqparat - Almaty qalalyq qoǵamdyq densaýlyq saqtaý basqarmasy vaktsınadan qaıtys boldy delingen almatylyqqa qatysty pikir bildirdi, dep habarlaıdy QazAqparat tilshisi.
Er adamnyń qaıtys bolǵany týraly aqparat áleýmettik jelide taraǵan bolatyn.
«Áleýmettik jelilerde Almaty turǵyny Baqytjan Nurtazınniń ólimi jaıly aqparat taraýda. Almaty qalasynyń ákimdigi marqumnyń týystaryna kóńil aıtady. 1979 jyly týǵan B. Nurtazın esimdi azamat bıyl 12 sáýir kúni emhanaǵa koronavırýs ınfektsııasyna qarsy vaktsınanyń alǵashqy dozasyn alý úshin júgingen. Ekpe hattamaǵa sáıkes ótti. Ekpeden keıin B. Nurtazın 30 mınýt boıy baqylaýda bolǵan, eshqandaı shaǵym jasamaǵan»,- dep habarlady qalalyq qoǵamdyq densaýlyq saqtaý basqarmasynyń baspasóz qyzmeti.
Qaıtys bolǵan 42 jastaǵy almatylyq 21 kúnnen keıin vaktsınanyń ekinshi komponentin alǵan.
«Dárigerdiń qaraýy kezinde jaǵdaıy qanaǵattanarlyq bolǵan, ekpe protsedýrasynan keıin 30 mınýt baqylaýda bolyp, B.Nurtazın úıine ketken. Jaǵdaıy úıinde nasharlaǵan. Jedel járdem kelgenge deıin qaıtys bolǵan»,- dep atap ótti basqarmadaǵylar.
Aldyn ala boljamdarǵa sáıkes, ol jedel júrek-qantamyr jetispeýshiliginen qaıtys bolǵan. Qazir naqty sebepterin anyqtaý úshin tergeý júrgizilip jatyr, sot-medıtsınalyq saraptama bastaldy. Naqty dıagnoz gıstologııalyq zertteýden keıin belgili bolady.
