42 gradýsqa deıin ystyq: 10 shildede Qazaqstanda aýa raıy qandaı bolady
ASTANA. KAZINFORM — 10 shilde kúni Qazaqstannyń 16 óńirinde, sondaı-aq Astana, Almaty jáne Shymkent qalalarynda daýyldy eskertý jarııalandy, dep habarlaıdy «Qazgıdromet» RMK.
Sınoptıkterdiń málimetinshe, elimizdiń birqatar óńirinde aptap ystyq, naızaǵaı, burshaq, jel, shańdy daýyl jáne joǵary órt qaýpi kútiledi.
Aqmola oblysynda joǵary órt qaýpi saqtalady.
Aqtóbe oblysynyń batysynda, soltústiginde jáne ortalyǵynda jańbyr, naızaǵaı, burshaq, jel, keı jerlerde qatty jańbyr kútiledi. Jeldiń ekpini 15-20 m/s jetedi. Kúndiz 35-38 gradýs qatty ystyq bolady. Oblystyń ońtústigi men shyǵysynda joǵary órt qaýpi saqtalady.
Almaty oblysynda kúndiz 35-38 gradýs qatty ystyq kútiledi. Oblystyń soltústiginde tótenshe órt qaýpi saqtalady.
Abaı oblysynda soltústik jáne soltústik-shyǵystan soǵatyn jeldiń ekpini 23 m/s jetedi. Oblystyń ońtústiginde 35 gradýs ystyq kútiledi. Ońtústik-batysta joǵary, soltústik pen ońtústik-shyǵysta tótenshe órt qaýpi saqtalady.
Atyraý oblysynda túnde jáne kúndiz keı jerlerde jańbyr, naızaǵaı jáne burshaq kútiledi. Kúndiz aýa temperatýrasy 35-38 gradýsqa deıin kóteriledi.
Shyǵys Qazaqstan oblysynyń shyǵysynda ótkinshi jańbyr jaýyp, naızaǵaı oınaıdy. Jeldiń ekpini 23 m/s deıin jetýi múmkin.
Jetisý oblysynda soltústik-shyǵystan soǵatyn jeldiń ekpini 23-28 m/s jetedi. Kúndiz aýa temperatýrasy 35-37 gradýsqa deıin kóteriledi.
Jambyl oblysynyń taýly aýdandarynda ótkinshi jańbyr men naızaǵaı kútiledi. Jel 15-20 m/s deıin kúsheıedi. Kúndiz 38-40 gradýs qatty ystyq bolady.
Batys Qazaqstan oblysynyń soltústigi, shyǵysy men ońtústiginde jańbyr, naızaǵaı, keı jerlerde qatty jańbyr, burshaq jáne jel boljanady. Kúndiz aýa temperatýrasy 35-38 gradýsqa deıin kóteriledi.
Qaraǵandy oblysynyń ońtústiginde jeldiń ekpini 15 m/s jetedi. Batysy men ońtústiginde 36 gradýsqa deıin qatty ystyq kútiledi.
Qostanaı oblysynda tańerteń jáne kúndiz batysy men soltústiginde jańbyr jaýyp, naızaǵaı oınaıdy. Kúndiz 35-36 gradýs ystyq bolady.
Qyzylorda oblysynda kúndiz ortalyǵy men shyǵysynda shańdy daýyl kútiledi. Jel 15-20 m/s deıin kúsheıedi. Aýa temperatýrasy 40-42 gradýsqa deıin kóteriledi.
Mańǵystaý oblysynyń batysynda, soltústiginde jáne ortalyǵynda jańbyr, naızaǵaı, burshaq kútiledi. Túnde jáne tańerteń ońtústik-batysta tuman túsedi.
Pavlodar oblysynda kúndiz 35-36 gradýs qatty ystyq bolady.
Soltústik Qazaqstan oblysynda túnde jáne tańerteń batysy men soltústiginde tuman kútiledi. Kúndiz aýa temperatýrasy 35-36 gradýsqa deıin kóteriledi.
Túrkistan oblysynda kúndiz batysy men soltústiginde shańdy daýyl bolady. Jel 15-20 m/s deıin kúsheıedi. Kúndiz 40-42 gradýs qatty ystyq kútiledi.
Ulytaý oblysynda kúndiz aýa temperatýrasy 35-38 gradýsqa deıin kóteriledi.
Astanada kúndiz 35-36 gradýs qatty ystyq kútiledi.
Almatyda kúndiz aýa temperatýrasy 35 gradýsqa deıin jetedi.
Shymkentte soltústik-shyǵystan soǵatyn jeldiń ekpini 15-20 m/s jetip, 40 gradýs qatty ystyq jáne joǵary órt qaýpi boljanady.
