42 gradýsqa deıingi ystyq, kúshti jel: Úsh óńirde eskertý jarııalandy
ASTANA. QazAqparat - Qazaqstannyń úsh oblysynda aýa raıyna baılanysty eskertý jarııalandy, dep habarlaıdy QazAqparat.
Qazgıdromettiń málimetinshe, 26 maýsym kúni Aqtóbe oblysynyń keı jerlerinde naızaǵaı oınap, soltústik, soltústik-shyǵystan soqqan jeldiń jyldamdyǵy sekýndyna 15-20 metrge jetýi múmkin. Daýyldy eskertýdiń yqtımaldylyǵy - 85-90%.
Qostanaı oblysynyń keı jerlerinde naızaǵaı oınap, burshaq jaýýy múmkin. Soltústikten soqqan jeldiń jyldamdyǵy sekýndyna 15-20 metr aınalasynda bolady. Boljamnyń yqtımaldylyǵy - 90-95%.
Al Atyraý oblysynda aýa temperatýrasy 36-38 gradýsqa deıin kóteriledi dep kútilýde. 26-27 maýsym kúnderi keı jerlerde kún 40-42 gradýsqa deıin ysıdy. Eskertý yqtımaldylyǵy 85-90%.
