42 gradýs ystyq, nóser jańbyr: 16 maýsymdaǵy aýa raıy boljamy jarııalandy

ASTANA. KAZINFORM – Sınoptıkter 16 maýsymda elimizdiń birqatar óńirinde aptap ystyq bolatynyn eskertti.

Sınoptıkterdiń boljamy boıynsha, Jetisý oblysynyń shyǵysynda, taýly aýdandarynda naızaǵaı oınaıdy. Soltústik-batystan jel soǵady, kúndiz oblystyń shyǵysynda ekpini 15-20 m/s. Oblystyń soltústiginde, shyǵysynda, ortalyǵynda tótenshe órt qaýpi saqtalady.

Shyǵys Qazaqstan oblysynyń soltústiginde nóser jańbyr jaýady. Túnde oblystyń batysynda, soltústiginde, shyǵysynda naızaǵaı oınap, kúndiz burshaq jaýyp, daýyl turady. Ońtústik-shyǵystan soǵatyn jel soltústik-batysqa aýysady, túnde oblystyń soltústiginde 15-20 m/s, kúndiz oblystyń batysynda, soltústiginde, ońtústiginde 15-20, ekpini 23 m/s. Oblystyń soltústiginde, ortalyǵynda, ońtústik jartysynda joǵary órt qaýpi saqtalady.

Abaı oblysynyń batysynda, soltústiginde, ortalyǵynda naızaǵaı oınap, burshaq jaýady, daýyl turady. Jel soltústik-batystan, soltústikten soǵady, túnde oblystyń ortalyǵynda 15-20 m/s, kúndiz oblystyń batysynda, soltústiginde, ortalyǵynda 15-20, ekpini 23 m/s. Oblystyń soltústiginde, batysynda, shyǵysynda joǵary órt qaýpi saqtalady, oblystyń soltústik-batysynda, ońtústiginde tótenshe órt qaýpi bar.

Aqtóbe oblysynyń batysynda, soltústiginde naızaǵaı oınaıdy. Soltústik-batystan jel soǵady, kúndiz oblystyń batysynda, soltústiginde, ortalyǵynda ekpini 15-20 m/s. Kúndiz 35 gradýs, oblystyń ońtústiginde, ońtústik-shyǵysynda 41 gradýs qatty ystyq bolady. Oblystyń ortalyǵynda joǵary órt qaýpi, oblystyń soltústiginde, ońtústiginde, batysynda tótenshe órt qaýpi saqtalady.

Qaraǵandy oblysynyń soltústiginde, shyǵysynda naızaǵaı oınaıdy. Túnde jáne tańerteń oblystyń soltústiginde, shyǵysynda tuman túsedi. Kúndiz oblystyń batysynda 35 gradýs ystyq bolady. Oblystyń soltústiginde joǵary órt qaýpi, oblystyń batysynda, shyǵysynda, ońtústiginde tótenshe órt qaýpi saqtalady.

Ulytaý oblysynda 35-39 gradýs qatty ystyq bolady. Oblys boıynsha tótenshe órt qaýpi saqtalady.

Qostanaı oblysynyń batysynda, soltústiginde, shyǵysynda naızaǵaı oınap, burshaq jaýady. Kúndiz 35-36 gradýs qatty ystyq bolady. Ońtústik-shyǵystan jel soǵady, kúndiz oblystyń soltústiginde, batysynda ekpini 15-20 m/s. Oblystyń soltústiginde joǵary órt qaýpi bar, oblystyń ońtústiginde tótenshe órt qaýpi saqtaldy.

Mańǵystaý oblysynyń batysynda, soltústiginde, ortalyǵynda naızaǵaı oınaıdy. Soltústik-batystan, soltústikten jel soǵady, oblystyń batysynda, shyǵysynda, ortalyǵynda ekpini 15-20 m/s. Kúndiz oblystyń ońtústiginde, soltústik-shyǵysynda 38 gradýs qatty ystyq saqtalady. Oblystyń soltústik-batysynda, ońtústiginde, ortalyǵynda joǵary órt qaýpi, oblystyń soltústiginde, shyǵysynda tótenshe órt qaýpi saqtalady.

Aqmola oblysynyń batysynda, shyǵysynda naızaǵaı oınaıdy. Oblystyń ońtústiginde joǵary órt qaýpi saqtalady.

Almaty oblysynyń taýly aýdandarynda naızaǵaı oınaıdy. Ońtústik-shyǵystan soǵatyn jel soltústik-batys baǵytqa aýysady, kúndiz oblystyń taýly aýdandarynda ekpini 15 m/s. Kúndiz 35-36 gradýs qatty ystyq bolady. 16-20 maýsymda oblys boıynsha joǵary órt qaýpi, oblystyń soltústiginde, batysynda, ortalyǵynda tótenshe órt qaýpi saqtalady.

Jambyl oblysynyń taýly aýdandarynda naızaǵaı oınaıdy. Soltústik-shyǵystan jel soǵady, tańerteń jáne kúndiz oblystyń ońtústik-batysynda, taýly aýdandarynda ekpini 15-20 m/s. Kúndiz oblys boıynsha 38 gradýs qatty ystyq bolady. Oblys boıynsha tótenshe órt qaýpi, oblystyń shyǵysynda joǵary órt qaýpi saqtalady.

Pavlodar oblysynyń ońtústiginde, shyǵysynda naızaǵaı oınaıdy. Túnde oblystyń soltústiginde, batysynda tuman túsedi. Soltústikten jel soǵady, oblystyń ońtústiginde, shyǵysynda ekpini 15-20 m/s. Oblystyń batysynda, ońtústiginde joǵary órt qaýpi saqtalady. Oblystyń soltústik-batysynda tótenshe órt qaýpi bar.

Soltústik Qazaqstan oblysynyń batysynda naızaǵaı oınaıdy. Túnde jáne tańerteń oblystyń batysynda, ońtústiginde tuman túsedi. Ońtústik-shyǵystan jel soǵady, kúndiz oblystyń batysynda ekpini 15-20 m/s. Oblystyń soltústiginde joǵary órt qaýpi saqtalady.

Atyraý oblysynyń soltústiginde, ońtústiginde, shyǵysynda naızaǵaı oınaıdy. Soltústik-batystan jel soǵady, oblystyń soltústiginde, shyǵysynda ekpini 15-20 m/s. Oblystyń ortalyǵynda, shyǵysynda tótenshe órt qaýpi saqtalady, oblystyń soltústiginde joǵary órt qaýpi bar.

Batys Qazaqstan oblysynyń ońtústiginde, shyǵysynda naızaǵaı oınaıdy. Oblystyń soltústiginde, shyǵysynda, ortalyǵynda joǵary órt qaýpi, oblystyń ońtústiginde tótenshe órt qaýpi saqtalady.

Túrkistan oblysynda ońtústik-shyǵystan jel soǵady, kúndiz oblystyń soltústiginde, taýly aýdandarynda kúshi 15-20 m/s. Kúndiz 40-42 gradýs qatty ystyq bolady. Oblystyń batysynda, ońtústiginde, taý bókterli aýdandarynda tótenshe órt qaýpi saqtalady.

Shymkentte kúndiz 40 gradýs qatty ystyq bolady. Tótenshe órt qaýpi saqtalady.

Aıta keteıik, Qazaqstan álemdik kórsetkishpen salystyrǵanda klımattyń ózgerýine qatty ushyrap otyr. Keıingi jarty ǵasyrdaǵy baqylaýǵa sáıkes, Qazaqstanda jerge jaqyn aýa temperatýrasy 10 jyl saıyn orta eseppen 0,32 gradýsqa kóterilip keledi. Al álem boıynsha bul kórsetkish 0,18 gradýstan aspaǵan.