42 500 teńgelik áleýmettik tólem 3 mıllıonǵa jýyq adamǵa beriledi
«Prezıdenttiń tapsyrmasy boıynsha tótenshe jaǵdaıǵa baılanysty tabys kózinen aıyrylǵan azamattarǵa Memlekettik áleýmettik saqtandyrý qorynan 42 500 teńge mólsherinde áleýmettik tólem engizildi. Bul tólemge aqysyz demalysqa shyǵýǵa májbúrli túrde jiberilgen jaldamaly qyzmetkerlermen qosa resmı jáne beıresmı óz betinshe jumys istep júrgen azamattar qosyldy. Osyǵan baılanysty eger barlyǵy 3 mln adamǵa deıin jetip jatsa, Memlekettik áleýmettik saqtandyrý qorynan aı saıynǵy tólemge 127,5 mlrd teńge baǵyttaldy. Azamattar tarapynan ótinish jasaý joldary men tásilderi barynsha qarapaıym jasaldy jáne qosymsha jańa tehnıkalyq-tsıfrlyq sheshimder qarastyrylýda», - dedi Birjan Nurymbetov.
Jalpy, mınıstrdiń aıtýynsha, el azamattaryn jumyspen qamtý úshin «Eńbek» baǵdarlamasy iske asyrylyp jatyr.
«Bul baǵdarlamaǵa qosymsha 50 mlrd teńge bólinip, 136 myń qosymsha jumys orny ashylady. Aıta keterligi, «Eńbek» baǵdarlamasy osy jyly 600 myń adamdy jumyspen qamtý sharalaryna tartýǵa áleýeti bar», - dedi ol.
