«42 500 teńge zeınetaqy jınaǵynan beriledi»: Mınıstrlik aqparatqa jaýap berdi

NUR-SULTAN. QazAqparat - 42 500 teńge járdemaqyny tóleýge qarajat zeınetaqy jınaqtarynan alynady degen aqparat jalǵan. Bul týraly QR Eńbek jáne halyqty áleýmettik qorǵaý mınıstrliginen málim etti, dep habarlaıdy QazAqparat.

«42 500 teńge tóleýge arnalǵan qarajat zeınetaqy jınaqtarynan alynyp jatyr degen messendjerlerde taraǵan aqparat shyndyqqa janaspaıdy. Tótenshe jaǵdaıdyń engizilýine baılanysty tabysynan aıyrylǵan azamattarǵa 42 500 teńge kóleminde áleýmettik tólemder tóleý úshin qarajat Memlekettik áleýmettik saqtandyrý qorynan bólindi. Azamattardyń jalǵan aqparatqa nazar aýdarmaýyn jáne aqparatty tek resmı kózderden ǵana paıdalanýyn suraımyz. Jalǵan aqparatty taratý zań boıynsha jazalanatynyn eske salamyz», - dedi mınıstrlikten.