TALDYQORǴAN.QazAqparat – Koronavırýs indetine baılanysty elimizde jarııalanǵan tótenshe jaǵdaıǵa oraı tabysynan aıyrylǵan turǵynnyń biri Eraly Kópjasarov. Alakól aýdanynyń turǵyny áleýmettik jeli arqyly kórsetilgen kómek úshin alǵysyn bildirdi, - dep habarlaıdy QazAqparat tilshisi.
«Men Úsharal qalasynyń turǵynymyn. Elimizdegi tótenshe jaǵdaıǵa oraı tabysymnan aıyrylyp qaldym. Ózim kıim-keshek satatyn Almatydaǵy jeke kompanııalardyń birinde jumys isteıtinmin. 42 500 teńgege ótinish berdim. Qarajat úsh kúnniń ishinde tústi. Osyndaı qıyn sátte halqyna kómek bergen Úkimetke úlken alǵysymdy bildiremin», - dedi Almaty oblysyndaǵy Alakól aýdanynyń turǵyny Eraly Kópjasarov. Memlekettiń qoldaýyna ıe bolyp, járdemaqyny alǵan 3 balanyń anasy Núrılıam Marıpova da kómek der kezinde kórsetilgenin jetkizdi. «Úkimetke ózimniń alǵysymdy bildirgim keledi. 42 500 teńge qarjylaı kómekti aldym. Kún-tún demeı halqy úshin jumys istep jatqan Prezıdentke rızashylyǵymdy bildiremin. Dárigerlerge de, bárine rahmetimdi aıtamyn. Bárimizge kishkene bolsyn kómek boldy. Bul járdemaqyǵa azyq-túlik alamyz», - dedi Uıǵyr aýdanynyń turǵyny Núrılıam Marıpova. Aıta keteıik, QR Eńbek jáne halyqty áleýmettik qorǵaý mınıstrliginiń málimemtinshe, járdemaqy eń kóp taǵaıyndalǵan óńirlerdiń aldyńǵy qatarynda Almaty oblysy tur. Bul óńirde 42500 teńgeden 520 myń adam aldy. Al jalpy ótinish bergenderdiń sany - 846,5 myń. «42 500 teńgeni alǵanda eń birinshi osyndaı sátte ár turǵynnyń jaǵdaıyn oılaǵan memleket basshysynyń saıasatyna rıza boldym. Osyndaı úreıli kezeńde ár deńgeıdegi azamattarǵa berilip jatqan qarajat qanshama otbasyna qýanysh syılady. Kókiregimde tek «Rahmet« degen sóz. Tabysymnan aıyrylyp, úıde otyrǵan kezde memlekettiń biz sııaqty jandarǵa aıtarlyqtaı kómegi tıdi», - dedi Balqash aýdanyndaǵy Jeltorańǵy aýylynyń turǵyny Qadyrjan Kereıbaev.
