41°C ystyq, órt qaýpi: 10 tamyzda aýa raıy qandaı bolady
ASTANA. KAZINFORM – Qazgıdromet 10 tamyzda elimizdiń barlyq óńirinde aýa raıyna baılanysty eskertý jarııalady.
Sınoptıkterdiń boljamy boıynsha, Ulytaý oblysynda kúndiz +35...+38°C ystyq. Oblys boıynsha tótenshe órt qaýpi saqtalady. Jezqazǵanda kúndiz aýa temperatýrasy +36...+38°C-qa deıin kóteriledi. Joǵary órt qaýpi saqtalady.
Qaraǵandy oblysynda kúndiz +35...+38°C qatty ystyq bolady. Oblystyń shyǵysy men ońtústiginde tótenshe, batysy men ortalyǵynda joǵary órt qaýpi saqtalady. Qaraǵandyda kúndiz +35°C ystyq. Oblystyń shyǵysy men ońtústiginde jeldiń ekpini 15-18 m/s-qa jetedi.
Jetisý oblysynyń taýly aýdandarynda kúndiz azdaǵan jańbyr, shyǵysy men taýly aýdandarynda naızaǵaı oınaıdy. Alakól mańynda jeldiń ekpini 15-20 m/s, keı ýaqytta 23-28 m/s-qa jetedi. Kúndiz +35...+37°C ystyq bolady. Oblystyń ońtústigi men batysynda joǵary, shyǵysy men ortalyǵynda tótenshe órt qaýpi saqtalady. Taldyqorǵanda kúndiz +35...+37°C ystyq bolady. Tótenshe órt qaýpi saqtalady.
Aqtóbe oblysynyń batysy men soltústiginde kúndiz jańbyr jaýyp, naızaǵaı oınaıdy. Oblystyń soltústigi men ortalyǵynda jeldiń ekpini 15-18 m/s-qa jetedi. Kúndiz +35...+38°C ystyq. Oblystyń soltústiginde joǵary, batysynda, ońtústiginde, ońtústik-shyǵysynda jáne ortalyǵynda tótenshe órt qaýpi saqtalady. Aqtóbede kúndiz +36...+38°C ystyq bolyp, jeldiń ekpini 15-18 m/s-qa jetedi. Tótenshe órt qaýpi saqtalady.
Almatyda kúndiz +35°C qatty ystyq kútiledi. Іle Alataýy taýlarynda, Medeý jáne Bostandyq aýdandarynyń taýly aımaqtarynda qysqa merzimdi jańbyr jaýyp, naızaǵaı oınaıdy. Keshke nóser jańbyr, burshaq jáne daýyl bolady.
Almaty oblysynyń ońtústigi men taýly aýdandarynda qysqa merzimdi jańbyr jaýyp, naızaǵaı oınaıdy. Keshke taýly aýdandarda jańbyr, burshaq jáne daýyl bolady. Kúndiz +35...+38°C ystyq bolady. Oblystyń batysy men soltústiginde tótenshe, ońtústigi men shyǵysynda joǵary órt qaýpi saqtalady. Qonaevta kúndiz +35...+37°C ystyq bolady.
Mańǵystaý oblysynyń batysy, ońtústigi men ortalyǵynda kúndiz jeldiń ekpini 15-20 m/s-qa jetedi. Oblystyń batysynda joǵary, soltústik-shyǵysy men ortalyǵynda tótenshe órt qaýpi saqtalady. Aqtaýda joǵary órt qaýpi saqtalady.
Batys Qazaqstan oblysynyń batysy, soltústigi men shyǵysynda jańbyr jaýyp, naızaǵaı oınaıdy, kúndiz burshaq pen daýyl bolady. Oblystyń batysy, soltústigi men ońtústiginde kúndiz jeldiń ekpini 15-20 m/s-qa jetedi. Oblys boıynsha tótenshe, soltústik-shyǵysynda joǵary órt qaýpi saqtalady.
Shymkentte tótenshe órt qaýpi saqtalady.
Túrkistan oblysynyń taýly aýdandarynda kúndiz qysqa merzimdi jańbyr jaýyp, naızaǵaı oınaıdy. Oblystyń batysy men taýly aýdandarynda jeldiń ekpini 15-20 m/s-qa jetedi. Kúndiz +40...+41°C ystyq bolady. Oblys boıynsha tótenshe, soltústigi men shyǵysynda joǵary órt qaýpi saqtalady. Túrkistanda jeldiń ekpini 15-20 m/s-qa jetedi. Kúndiz +40°C aptap ystyq bolady. Tótenshe órt qaýpi saqtalady.
Atyraý oblysynyń batysy, soltústigi men shyǵysynda kúndiz azdaǵan jańbyr jaýyp, naızaǵaı oınaıdy, burshaq pen daýyl bolady. Oblystyń batysy, soltústigi men ońtústiginde jeldiń ekpini 15-20 m/s-qa jetedi. Kúndiz +36...+39°C aptap ystyq bolady. Oblys boıynsha tótenshe órt qaýpi saqtalady. Atyraýda kúndiz +37...+39°C aptap ystyq bolady. Tótenshe órt qaýpi saqtalady.
Shyǵys Qazaqstan oblysynyń soltústiginde kúndiz jeldiń ekpini 15-20 m/s-qa jetedi. Oblystyń ońtústiginde kúndiz +35°C aptap ystyq bolady. Batysynda, ońtústik-shyǵysynda jáne ortalyǵynda joǵary, ońtústiginde tótenshe órt qaýpi saqtalady.
Astanada kúndiz +35°C ystyq bolady.
Abaı oblysynyń batysy, ońtústigi men ortalyǵynda jeldiń ekpini 15-20 m/s-qa jetedi. Kúndiz oblys boıynsha +35...+38°C qatty ystyq bolady. Oblystyń ortalyǵynda joǵary, ońtústiginde tótenshe órt qaýpi saqtalady.
Pavlodar oblysynyń soltústiginde túnde jáne tańerteń tuman túsedi. Kúndiz +35...+38°C qatty ystyq bolady. Oblystyń ortalyǵy men ońtústiginde joǵary órt qaýpi saqtalady. Pavlodarda kúndiz +35...+37°C qatty ystyq bolady. Joǵary órt qaýpi saqtalady.
Soltústik Qazaqstan oblysynyń batysy men soltústiginde kúndiz jańbyr jaýyp, naızaǵaı oınaıdy, burshaq pen daýyl bolady. Túnde jáne tańerteń oblystyń batysynda tuman túsedi. Kúndiz ońtústigi men ońtústik-batysynda shańdy daýyl bolady. Oblystyń batysy, soltústigi men ońtústiginde jeldiń ekpini 15-20 m/s-qa jetedi. Kúndiz +35...+37°C aptap ystyq bolady. Batysy men soltústiginde joǵary órt qaýpi saqtalady.
Jambyl oblysynyń taýly aýdandarynda kúndiz jańbyr jaýyp, naızaǵaı oınaıdy. Taýly aýdandarda, sondaı-aq oblystyń ońtústik-batysy men soltústik-shyǵysynda jeldiń ekpini 15-20 m/s-qa jetedi. Kúndiz oblys boıynsha +38...+40°C aptap ystyq bolady. Oblys boıynsha tótenshe, shyǵysy men ońtústiginde joǵary órt qaýpi saqtalady. Tarazda kúndiz +38°C aptap ystyq bolady. Tótenshe órt qaýpi saqtalady.
Qostanaı oblysynyń batysy men soltústiginde kúndiz jańbyr jaýyp, naızaǵaı oınaıdy, burshaq pen daýyl bolady. Batysy men soltústiginde jeldiń ekpini 15-20 m/s-qa jetedi. Kúndiz +35...+37°C aptap ystyq bolady. Oblystyń batysy, shyǵysy men ortalyǵynda joǵary, ońtústigi men ońtústik-shyǵysynda tótenshe órt qaýpi saqtalady. Qostanaıda kúndiz +35...+37°C qatty ystyq bolyp, jeldiń ekpini 15-20 m/s-qa jetedi.
Qyzylorda oblysynda kúndiz +40...+43°C aptap ystyq. Oblys boıynsha tótenshe órt qaýpi saqtalady. Qyzylordada kúndiz +40...+41°C aptap ystyq bolady. Tótenshe órt qaýpi saqtalady.
Aqmola oblysynyń batysy men soltústiginde kúndiz jeldiń ekpini 15-20 m/s-qa jetedi. Kúndiz +35...+38°C aptap ystyq bolady. Oblystyń batysynda tótenshe, ortalyǵynda joǵary órt qaýpi saqtalady. Kókshetaýda kúndiz +36...+38°C aptap ystyq bolady.
Aıta keteıik, Pavlodar oblysynda bıylǵy 20-21 shilde kúnderi júrip ótken joıqyn quıynnyń kenetten paıda bolýy turǵyndar arasynda alańdaýshylyq týyndatqany anyq. Onyń sebebin áli kúnge jergilikti adamdar elimizdiń ońtústiginde qoldanylǵan jasandy jańbyr tehnologııasymen baılanystyryp otyr. Kazinform tilshisi jergilikti klımatqa tán emes aýa raıy qubylysynyń jaı-japsaryn anyqtap kórdi.
