41 jyl buryn perzenthanada aýysyp ketken eki kanadalyqtyń hıkaıasy
ASTANA. QazAqparat - Teıt pen Svenson ózderin perzenthanada aýystyryp jibergenin bilgenshe jaqsy tanys bolǵan, dep jazady Bı-bı-sı.
Kishkentaı kanadalyq kalashyqtyń eki turǵyny 41 jyl buryn ózderin perzenthanada aýystyryp jibergenin bildi.
Leon Svenson men Devıd Teıt Manıtoba provıntsııasyndaǵy negizinen baıyrǵy krı halqy qonystanǵan 5 myń adam ómir súretin aýylda turady. Olar bir-birin jaqsy tanıdy.
Ekeýi de 1975 jyly Norway House Indian Hospital aýrýhanasynda dúnıege kelgen: Svenson 31qańtarda, al Teıt 3 aqpanda. Sol ýaqyttaǵy aýrýhana jumysyn federaldy úkimet basqarǵan.
DNQ testi olardyń perzenthanada aýysyp ketkenin, olardyń bıologııalyq emes ata-ana qolynda tárbıelengenin anyqtady.
Testileý nátıjesi jarııalanǵan baspasóz konferentsııasynda eki er adam da jylaýǵa shaq qaldy.
Teıt ózin ósirgen adamdardyń únemi ata-ana bolyp qalatynyn, tek taǵy bir ata-ana men baýyr tapqanyn málimdedi. Endi olar «úlken otbasy» retinde aralasyp turatyndaryn jetkizdi.
