41 jastaǵy tarazdyqtan sıntetıkalyq esirtki tabyldy

TARAZ. QazAqparat – Tarazdyq polıtseıler er adamnan sıntetıkalyq esirtki tárkiledi, dep habarlaıdy QazAqparat tilshisi.

«Dopıng» jedel-aldyn alý is-sharasy aıasynda Jambyl oblysy polıtsııa departamentiniń esirtki qylmysyna qarsy is-qımyl basqarmasynyń qyzmetkerleri 41 jastaǵy Taraz turǵynyn ustady.

Er adamnan «mefedron» (2gr 600mg) jáne «a-RVR» (1 gr 130 mg) psıhotroptyq sıntetıkalyq esirtki tabylyp, tárkilendi.

Ustalǵan azamat óz kinásin moıyndap, Taraz qalasynyń ýaqytsha ızolıatoryna qamaldy.

«Qazaqstan Respýblıkasy Qylmystyq kodeksiniń 296-baby 4-bóligi boıynsha sotqa deıingi tergeý amaldary bastaldy. Osy bap boıynsha úsh jyldan jeti jylǵa deıingi merzimge bas bostandyǵynan aıyrý jazasy kózdelgen»,-delingen oblystyq polıtsııa departamenti baspasóz qyzmetiniń habarlamasynda.