41 jastaǵy azamat Almatydan Arab Ámirlikterine 25 myń dollar alyp ótpek boldy
ASTANA. 14 qyrkúıek. QazAqparat - 12 qyrkúıekte Almaty halyqaralyq áýejaıynda Kedendik baqylaý departamentiniń qyzmetkerleri deklaratsııalanbaǵan sheteldik valıýtany zańsyz alyp ótýdiń jolyn kesti.
Atalǵan shara «Valıýta» jedel-aldyn alý sharalary aıasynda júzege asty, dep habarlaıdy Almaty qalalyq kedendik baqylaý departamentiniń baspasóz qyzmetinen.
Atap aıtqanda, kedendik tekserister barysynda Qazaqstan Respýblıkasynyń 1971 jyly týǵan azamaty ustaldy. Ol «Almaty-Shardja» avıareısi arqyly Birikken Arab Ámirlikterine deklaratsııalanbaǵan 25 myń dollar somasyndaǵy qarajatty zańsyz alyp ketpekshi bolǵan.
Ekonomıkalyq kontrabandanyń osy faktisi boıynsha búgingi tańda Almaty qalalyq kedendik baqylaý departamentimen tergeýge deıingi tekserýler júrgizilip jatyr.
