41 myńnan astam adam ákimdikterdiń turǵyn úı kezeginen shyǵaryldy
«Memleket basshysynyń 2019 jylǵy 2 qyrkúıektegi Qazaqstan halqyna Joldaýyn iske asyrý jónindegi Jalpyulttyq is-sharalar josparynyń 79-tarmaǵyna sáıkes «Memlekettik turǵyn úı qorynan beriletin turǵyn úıge nemese jeke turǵyn úı qorynan jergilikti atqarýshy organ jaldaǵan turǵyn úıge muqtaj azamattardy esepke alý jáne kezekke qoıý, sondaı-aq jergilikti atqarýshy organdardyń turǵyn úı berý týraly sheshim qabyldaýy» turǵyn úıge kezekte turǵandardy esepke alýdyń biryńǵaı ulttyq júıesi (budan ári – SBÓ) engizildi. SBÓ-ni damytýdyń maqsaty - turǵyn úıdi qoıý, esepten shyǵarý, túgendeý jáne bólý protsesteriniń ashyqtyǵy, ortalyqtandyrylýy, ońtaılandyrylýy jáne avtomattandyrylýy. SBÓ servısi ıntegratsııalanǵan aqparattyq júıe bolyp sanalady. Ol boıynsha málimetter portalda tikeleı túsirilýde», - dedi Úkimet basshysy.
Aıta keterligi, atalǵan júıe 22 memlekettik organnyń (MQІA, Qarjymıni, Eńbekmıni, DSM, Ádiletmıni, Tsıfrlyq damý, ınnovatsııalar jáne aeroǵarysh ónerkásibi mınıstrligi , Memlekettik korporatsııa jáne «QTQJB» AQ») aqparattyq júıelerimen biriktirilgen.
Onyń atap ótýinshe, memlekettik derekqormen ıntegratsııalanǵannan keıin SBÓ engizý qorytyndysynda kezekte turǵandar boıynsha 1 327 805 sáıkessizdik (turǵyn úıdiń bolýy, sanattyń sáıkes kelmeýi jáne t.b.) anyqtaldy. Ákimdikter 796 162 sáıkessizdikti pysyqtady. Qazirgi ýaqytta osy baǵytta jumys jalǵasyp jatyr.
«Búginde júıeniń jumysy esebinen sáıkessizdikterge baılanysty kezekten 41 myńnan astam adam shyǵaryldy. Osylaısha, SBÓ engizýdi eskere otyryp, memlekettik turǵyn úı qorynan turǵyn úı alýǵa kezekte turǵan azamattardyń «elektrondy úkimet» portalynda óz kezegin kórýge tikeleı jáne erkin qol jetkizý múmkindigi bar», - dedi Premer-Mınıstr.
