41 mln ıýan para alǵan qytaılyq sheneýnikke sot úkimi shyqty
ASTANA. KAZINFORM – Qytaıdyń áskerı ónerkásip kásiporny basshysynyń burynǵy orynbasary para alǵany úshin 13 jylǵa bas bostandyǵynan aıyryldy, dep habarlaıdy Sınhýa.
Qytaıdyń jetekshi áskerı-ónerkásiptik kásiporyndarynyń biri – China South Industries Group Corporation korporatsııasy bas dırektorynyń burynǵy orynbasary Lıý Veıdýn seısenbi kúni paraqorlyq aıyby boıynsha 13 jylǵa bas bostandyǵynan aıyryldy.
Mundaı úkimdi Qytaıdyń ortalyq bóligindegi Henan provıntsııasynyń Nanıan qalasynyń orta býyndaǵy halyq soty shyǵardy.
Úkimge sáıkes, aıyptalýshyǵa sondaı-aq 4 mıllıon ıýan (shamamen 587 myń AQSh dollary) kóleminde aıyppul salyndy. Sonymen qatar zańsyz jolmen alynǵan qarajat tárkilenetin boldy.
Tergeý málimetinshe, Lıý Veıdýn 1999 jyldan 2025 jylǵa deıin túrli qyzmetter atqara otyryp, óziniń qyzmettik ókilettigin asyra paıdalanǵan. Ol kompanııa qyzmetine qatysty másele men mansaptyq ósýge kómekteskeni úshin 41,39 mıllıon ıýannan astam kólemde para alǵan.
Ol osy jyldyń 16 qańtarynda ashyq sotta qaralyp, sońǵy sózinde óz kinásin moıyndap, jasaǵan isine ókinetinin bildirgen.
Aıta ketelik Qytaı Qarýly kúshterdegi saıası tártip pen oqytýdy kúsheıtpek.
