41 mln eýro jalǵan aqsha jasaýshy ustaldy
ASTANA. QazAqparat - Italııada Neapol provıntsııasyndaǵy Torre-del-Greko qalasynda karabınerler 41 mıllıon kólemindegi 100 jáne 50 eýrolyq jalǵan banknottardy tapty.
Olardy esepteý úshin 5 saǵat ýaqyt qajet boldy, dep habarlaıdy euronews.
Plastıkalyq baktarǵa salynǵan 90 aqsha býmasy 67 jastaǵy qala turǵyny Anıello Rıvechchıonyń saraıynan tabylǵan. Er adam tutqynǵa alyndy. Aıta keter jaıt, bul onyń birinshi ret qamalýy emes. Budan buryn Anıello jalǵan banknottardy jáne ony jasaıtyn qurylǵylardy saqtaǵany úshin túrmede jazasyn ótegen.
