402 aıyptalýshynyń isi sotqa joldandy - Qańtar oqıǵasy
«Іshki ister mınıstrligi qańtar oqıǵalaryn tergeýdiń aldyn ala nátıjelerin jurtshylyqtyń nazaryna usynýdy jalǵastyrýda. Qazirgi ýaqytta ishki ister organdary zańdylyq pen quqyqtyq tártibin qalpyna keltirý, quqyq buzýshylardy anyqtaý jáne azamattarǵa keltirilgen shyǵyndy óndirip alý maqsatynda aýqymdy jumystar atqardy jáne bul jumystar jalǵasyp jatyr. Sonymen, jedel jáne sapaly tergeýdiń nátıjesinde ishki ister organdarynyń tergeýshileri 402 aıyptalýshyǵa qatysty 255 qylmystyq isti aıyptaý aktisimen aıaqtap, sotqa joldady. Osyndaı isterdiń kóptegen sany Almaty qalasynyń enshisinde – 183, Almaty oblysy boıynsha 46 jáne Kóliktegi polıtsııa departamenti boıynsha 10 qylmystyq is», - dedi ol Ortalyq kommýnıkatsııalar qyzmetindegi brıfıng barysynda.
Onyń atap ótýinshe, atalǵan ister boıynsha jábirlenýshilerge keltirgen shyǵynnyń ornyn toltyrý shamamen 95 mıllıon teńgeni quraǵan.
«Bul sotqa deıingi tergep-tekserý barysynda polıtsııa qyzmetkerleriniń urlanǵan múliki tabýy jáne alyp qoıýy, sondaı-aq óz isterine ókingen aıyptalýshylardyń keltirgen shyǵyndy óteýi esebinen qamtamasyz etildi», - dedi Sanjar Ádilov.
Polıtsııa qyzmetkerleri qabyldaǵan is-sharalardyń negizinde Almaty qalasy boıynsha 65 mln-nan astam teńgege, Almaty oblysyboıynsha 16 mln teńgege, Jambyl oblysy boıynsha 3 mln-nan astam teńgege keltirilgen zardaptyń orny toltyryldy. Kóliktegi polıtseıler 10 mln-nan astam teńgege shyǵynnyń ótelýine qol jetkizdi.
