4000 jolaýshysy bar krýızdik keme Jerorta teńizinde qaıyrlap qaldy
ASTANA. 14 qańtar. QazAqparat - Jerorta teńizinde, Italııa jaǵalaýynda ıtalıandyq «Kosta Konkordıa» krýızdik kemesi qaıyrlap qaldy. Jaǵalaýdaǵy kúzet kúshimen apatty kemeden 4 myńnan astam adam qaýipsiz jerge kóshirildi, dep habarlaıdy Reuters.
Uzyndyǵy 290 metrlik keme keshki saǵat 10 shamasynda, Djılıo aralyna jaqyn ornalasqan Toskany jaǵalaýynyń aýmaǵynda qum qaırań saıaz jerge otyryp qaldy.
Qolda bar málimetterge sáıkes, soqqy kezinde kemeniń korpýsy zaqymdalyp, saldarynan tómengi palýbalarǵa syrttan sý kirip jatyr. Osy ýaqytta keme bir búıirine qaraı 20 gradýsqa qısaıyp tur, biraq, onyń sý astyna ketý yqtımaldyǵy joqqa teń.
Sky News málimetteri boıynsha, eki adam qaza tapty. Olardyń jolaýshylar ne keme qyzmetkerleri qatarynan ekendigi jáne olardyń qandaı jaǵdaıda mert bolǵandary týraly aıtylmaǵan.
3200 jolaýshy men 1023 ekıpaj múshesi kemeden túsirilgen soń, bortqa oqıǵanyń sebepterin anyqtaý úshin tergeýshiler kóterildi.
«Kosta Konkordıa» kemesi sýǵa alty jyl buryn túsirildi. Onda 1,5 myń kaıýta, bes meıramhana jáne tórt basseın bar. Kemeniń qurylysy shamamen 450 mln. eýroǵa baǵalanýda. Bul týraly RBK habarlady.
