4000 metr bıiktikte qalyp qoıǵan nemis alpınısteri qutqaryldy

ASTANA. KAZINFORM — Germanııalyq eki alpınıst 22 tamyz kúni Shveıtsarııa Alpilerindegi Braıthorn taýynda qutqarýshylardy kútip, bir tún túneýge májbúr boldy. Bul týraly Welt basylymy habarlaıdy. Basylym málimetinshe, «olar 4000 metr bıiktikte ilinip turǵan», dep jazdy DW.

Alpınıster taý shyńyna jaqyn jerde qalyp qoıǵan – olardyń jibi ilinip, budan ári túsýge basqa arqan bolmaǵan. Taýly-qutqarý qyzmetiniń málimetinshe, aýa raıynyń qolaısyzdyǵynan kóriný deńgeıi nashar bolǵan, al jaıaý qutqarý operatsııasy kóshkin qaýpiniń joǵary bolýyna baılanysty múmkin bolmaǵan.

Nátıjesinde kelesi kúnniń tańynda ıtalııalyq qutqarýshylar tikushaq kómegimen nemis alpınısterin alyp ketti, keıin olardy ushaqpen Italııanyń Aosta qalasyndaǵy aýrýhanaǵa jetkizdi. Qutqarý qyzmetiniń aıtýynsha, olardyń jaǵdaıy «jalpy alǵanda jaqsy».

Braıthorn — Shveıtsarııa men Italııa shekarasyndaǵy taý jotasy, sol sebepti alpınısterdi qutqarýǵa ıtalııalyq mamandar jumyldyryldy. 

Eske sala keteıik, buǵan deıin 7 000 metr bıiktikte qalǵan reseılik alpınıstti bir aptadan beri qutqara almaı jatqanyn jazǵan edik.