4000-ǵa jýyq qazaqstandyq resmı túrde Qarýly Kúshterdiń qataryna qabyldandy (FOTO)
4000-ǵa jýyq qazaqstandyq Otanǵa degen adaldyqqa ant berdi jáne resmı túrde qazaqstandyq armııanyń qataryna kirdi, dep habarlaıdy QR QM baspasóz qyzmeti. Osy kúzde jańadan shaqyrylǵandardy ant qabyldaýǵa keltirý qarashanyń 14-i men jeltoqsannyń 6-y aralyǵynda ótti. Osy ýaqyt ishinde áskerı antty «Ońtústik», «Batys», «Shyǵys» óńirlik qolbasshylyqtarynyń, Áýe qorǵanysy kúshteriniń, arnaıy áskerlerdiń, Áskerı polıtsııasy bas basqarmasynyń áskerı bólimderiniń, Armııa ortalyq sport klýby men Baılanys bas basqarmasynyń shaqyrylýshylary qabyldady. Aǵymdaǵy shaqyrylymnyń sońǵy rásimi ótken aptada ótti. Onyń ishinde, «Shyǵys» óńirlik qolbasshylyǵy Aıagóz garnızonynyń 10810 jáne 10181 áskerı bólimderinde áskerı antqa 210 jańadan shaqyrylýshy, 27943 áskerı bóliminde 250 jas sarbaz, «Batys» óńirlik qolbasshylyǵynyń 25744 áskerı bóliminde 260 shaqyrylýshy, 41433 áskerı bóliminde 80 jas sarbaz keltirildi. Osymen shaqyrý men jasaqtaý tolyq kólemde aıaqtaldy dep eseptelinedi. Alaıda, shaqyrý kampanııasy aıaqtalǵanymen, jas sarbazdardyń áskerı ant qabyldaýy sátinen bastap barlyǵy endi ǵana bastalady. Aldaǵy ýaqytta olar Otan aldyndaǵy bir jylǵy boryshyn ótkerip, kúrdeli áskerı ǵylymdy meńgerýi qajet. 2015 jyldyń kúzinde Qarýly Kúshterdiń áskerlerine áskerı qyzmetke keıinge shaqyrylýǵa jáne shaqyrylýdan bosatylýǵa quqyǵy joq shaqyrylym jasyndaǵy 4000-ǵa jýyq qazaqstandyq shaqyrylýǵa jatqanyn aıta ketken jón. Bozbalalar elimizdiń barlyq óńirleri men oblystarynan shaqyryldy.
Jalpy alǵanda, aǵymdaǵy jyl boıynsha Qazaqstannyń Qarýly Kúshterindegi shaqyrylym jospary 100%-ǵa oryndaldy