400 jyldyq tarıhy bar Quran tabyldy
ASTANA. QazAqparat - Pákistannyń astanasy Islamabadta 400 jyldyq tarıhy bar Quran qoljazbalary saqtalǵan. Olardyń arǵysy 400 jyldan beri qaraı kele jatsa, bergisi 19 ǵasyr týyndysy eken. Osy turǵyda habarlaǵan "Islam dlıa vseh" olardyń arab jáne parsy tilderin jazylǵanyn aıtady, dep habarlady muslim.kz saıty.
Sadııa Djaved otbasyna tıesili qasıetti Qurannyń shaǵyn qoljazba nusqalary óte baǵaly desedi. Onyń ishinde altynmen aptalyp, kúmispen kúptelgen, qymbat tastarmen, jaqutpen kómkerilgen Quran da bar. Shamamen 2h3,5 sm bolatyn eki kishkene Quran qymbat tastarmen áshekeılengen. Kollektsııa arasyndaǵy eń kózge túsetin Quran kólemi bir eliden aspaıtyn altynmen oıýlanyp, 13 ǵasyrdaǵy Delı sultanatyna tán kallıgrafııamen jazylǵan Quran. Endi biri arabsha-parsysha nusqa. Ol 250 jyl buryn jaryqqa shyqqan eken. Budan bólek atalǵan otbasy arab, parsy tilindegi eski qoljazbalarǵa baı bolyp shyqqan. Sarapshy-zertteýshiler pikirine júginsek, bul dúnıeler álemniń men degen murajaıynyń ataǵyna ataq ústeıtin qundylyqtar.
