400 myńnan astam turǵyn aýyzsýsyz qaldy
ASTANA. QazAqparat - Amerıkanyń Ogaıo shtatynyń bıligi jergilikti tazartý qurylǵylarynyń sýlarynan tsıanobakterııalar bóletin toksın - mıkrotsıstınniń anyqtalýyna baılanysty tótenshe jaǵdaı jarııalady. Saldarynan 400 myńnan astam jergilikti turǵyndar aýyzsýsyz qaldy, dep habarlaıdy CNN telearnasy.
«Ogaıo shtatyndaǵy Tolıdo qalasynda sýdy paıdalanbańyzdar, ishpeńizder, onda as pisirmeńizder. Meıramhanalar da bir kúnge jabylýy tıis», delingen jergilikti bıliktiń habarlamasynda.
Qala bıligi bul eskertý saqtyq sharalary bolyp otyrǵanyn málim etti, olardyń aıtýynsha, sý taldamasynyń naqty nátıjeleri jeksenbi kúni belgili bolmaq.
«Biz bári jaqsy bolady dep úmittenemiz, áıtpese qıyn jaǵdaıda qalarymyz anyq», - deıdi Tolıdo qalasynyń meri Maıkl Kollınz.
