400 myńnan astam astanalyq shaǵyn jáne orta bıznespen aınalysady

NUR-SULTAN. QazAqparat – Elorada shaǵyn jáne orta bıznestiń damý qarqyny artty. Bul týraly Nur-Sultan qalasy ulttyq kásipkerler palatasynyń óńirlik keńes basshysy Bolat Omarov málim etti, dep habarlaıdy QazAqparat tilshisi.

«Óńirlik keńestiń 2021-2022 jyldarǵa arnalǵan jumys josparyna sáıkes negizgi mindetterdiń biri - kásipkerlik salasyndaǵy júıeli problemalardy qaraý. Sonymen qatar olardy sheshý boıynsha usynymdar ázirleý. Máselen, byltyrdan beri óńirlik keńes 73 máseleni qarady, onyń 48-i tikeleı bızneske qatysty problema»,- dedi Bolat Omarov Nur-sultan qalasy kásipkerler palatasynyń óńirlik keńesiniń eseptik kezdesýinde.

Sondaı-aq, UKP ókili bıznestiń áleýmettik-ekonomıkalyq turǵydan damý kórsetkishterin atap ótti.

«Bıyl 1 sáýirdegi jaǵdaı boıynsha elordada 168,3 myń kásipkerlik qyzmet sýbektisi jumys istep tur. 2019 jyly olardyń sany – 134,4 myń, 2020 jyly – 144,7 myń, ótken jyly 163 myńdy quraǵan. Sol sııaqty shaǵyn jáne orta bıznes ashyp, jumyspen qamtylǵandardyń oń dınamıkasy baıqalady. Naqtylaı aıtqanda, 415 925 adam nemese 72%. Atalǵan kórsetkish 2020 jyldyń sońyna qaraǵanda 12,4%-ǵa joǵary», - deıdi ol.

Buǵan deıin shetel ınvestorlarynyń Qazaqstan naryǵyna asa qyzyǵýshylyq tanytyp otyrǵany aıtyldy.