400 myń qorap temekini elge zańsyz kirgizbek bolǵan azamat ustaldy
QORDAI. QazAqparat - «Qordaı» shekara jasaǵynyń «Qarasý-avto» bólimshesinde Qyrǵyzstannan bizdiń elge «Daf» júk kóligimen kele jatqan 23 jastaǵy Qazaqstan azamaty ustaldy, dep habarlaıdy QazAqparat Shekara qyzmetine silteme jasap.
«Onyń avtokóligin arnaıy tekserý keshenin qoldana otyryp teksergen kezde kýzovy men tirkemesinen ártúrli markaly, Tájikstannyń aktsızdik markalary japsyrylǵan temeki ónimderi tabyldy» delingen habarlamada.
Elimizge zańsyz kirgizbek bolǵan 418 144 qorap temeki Qordaı aýdandyq memlekettik kirister departamentine tapsyryldy.
