400 mln teńge para aldy degen kúdikpen Gorkıı teatrynyń burynǵy dırektory tergelip jatyr

NUR-SULTAN. QazAqparat – 400 mln teńge para aldy degen kúdikpen elordadaǵy Gorkıı teatrynyń burynǵy dırektory zań aldynda jaýap berýde, dep habarlaıdy QazAqparat tilshisi.

«Nur-Sultan qalasynyń sybaılas jemqorlyqqa qarsy qyzmeti «M.Gorkıı atyndaǵy memlekettik akademııalyq orys teatry» mekemesiniń dırektory jáne taǵy basqa adamdarǵa qatysty sotqa deıingi tergeýdi júrgizýde. Olar oryndalǵan jumystardyń jalǵan aktilerine qol qoıý arqyly teatr ǵımaratyn jóndeý-qalpyna keltirý jumystaryna jáne kúrdeli jóndeýge bólingen 400 mln teńgeden astam bıýdjet qarajatyn jymqyrdy degen kúdikke ilingen», - dedi elordada ótken baspasóz máslıhatynda QR Sybaılas jemqorlyqqa qarsy is-qımyl agenttigi Tergeý komıtetiniń bas tergeýshisi Danııar Bekaıdarov.

Onyń aıtýynsha, kúdiktilerge qatysty olardyń kinásiniń dárejesin anyqtaýmen túpkilikti sheshimdi sot shyǵarady.