400 mln tekshe metr tasqyn sýy BQO egistikterin sýarýǵa jiberiledi
ASTANA. KAZINFORM - Sý resýrstary jáne ırrıgatsııa mınıstrligi Batys Qazaqstan oblysyndaǵy iri sýarý-sýlandyrý júıesine 400 mln tekshe metr tasqyn sýyn jiberdi.
Sý resýrstary jáne ırrıgatsııa mınıstrligi Batys Qazaqstan oblysyndaǵy Jaıyq-Kóshim sýarý-sýlandyrý júıesine 400 mln tekshe metr tasqyn sýyn jiberdi.
Jaqyn arada munda taǵy 200 mln tekshe metr sý jiberý josparlanyp otyr.
Bul 65 myń gektardan astam shabyndyq jeri men jazǵy jaıylymdy sýmen qamtamasyz etýge, sondaı-aq júıe boıynda ornalasqan sý qoımalaryn toltyrýǵa múmkindik beredi.
Sonymen qatar, sońǵy jyldary keýip qalǵan Batys Qazaqstan oblysynyń Edilsor, Jaltyrkól, Birqazan, Sorkól, Saltanat jáne basqa da sý aıdyndaryna sý jiberý jumysy júrip jatyr.
«Bizdiń mınıstrliktiń basty mindetteriniń biri - aýylsharýashylyǵy men ónerkásipte odan ári paıdalaný úshin tasqyn sýyn sý qoımalaryna jınaý. Kóptegen aımaqtardaǵy iri sý qoımalary 100% toly, biraq bul tolyp ketý jáne sý basý qaýpi bar degendi bildirmeıdi. Normadan asatyn sý qaýipsiz kólemde ózender men kanaldarǵa jiberilip, aýylsharýashylyǵy men ónerkásipte paıdalanylady», - dedi Sý resýrstary jáne ırrıgatsııa mınıstri Nurjan Nurjigitov.
