400 myń qazaqstandyq baspana kezegine zańsyz turǵan
ALMATY. KAZINFORM – Qazaqstanda zańsyz baspana kezeginde turǵan 400 myń adam anyqtaldy. Bul týraly «Digital Almaty-2024»: «Industry X: Bolashaqtyń tsıfrlyq evolıýtsııasy» VI tsıfrlyq forýmy barysynda Baǵdat Mýsın aıtty.
Halyqaralyq forým barysynda, mınıstr Qazaqstanda kóptegen memlekettik qyzmettiń tsıfrlandyrylǵanyn, sonyń ishinde turǵyn úıge onlaın kezekke turýǵa bolatynyn jetkizdi.
Onyń aıtýynsha, buryndary áleýmettik baspana alý úshin ákimdikterge baryp, qujat jınaıtyn bolsa, búginde baldyq tetik arqyly baspanaǵa muqtaj naqty otbasylar anyqtalyp, kezekke turǵyzylyp jatyr.
«Bizde qyzyq keıs bar, buryn áleýmettik baspana kezeginde mıllıonnan astam adam turǵan. Biz big data derekterimiz arqyly 400 myń turyǵynyń kezekte zańsyz turǵanyn anyqtadyq. Sondaı-aq kerisinshe áleýmettik turǵyn úıge muqtaj 300 myń otbasy bar ekenin bildik», - dedi Baǵdat Mýsın.
Aıta keteıik, Almatyda «Digital Almaty: H ındýstrııasy – bolashaqtyń tsıfrlyq evolıýtsııasy» atty tsıfrlyq forým ótip jatyr. Tsıfrlyq is-sharaǵa 30 myńnan astam adam qatysyp jatyr.
