400 kompanııa zańsyz lıtsenzııa alǵan: Almatydaǵy shema áshkere boldy
ASTANA. KAZINFORM — Qalada «E-lıtsenzııalaý» júıesi arqyly zańsyz lıtsenzııa alǵan 400-den astam kompanııa anyqtaldy, dep habarlaıdy QMA Almaty qalasy boıynsha departamenti.
Vedomstvo prokýratýranyń úılestirýimen lıtsenzııa alý maqsatynda «E-lıtsenzııalaý» aqparattyq júıesine jalǵan málimetter engizýmen aınalysqan tulǵalar tobynyń zańsyz áreketin áshkereledi.
Tergeý málimetine sáıkes, 2021 jyldan beri qylmystyq shemaǵa qatysýshylar Almaty qalasy «Qalalyq qala qurylysy baqylaý basqarmasy» KMM qyzmetkerlerimen sóz baılasý arqyly, ózderine qarasty kompanııalar arqyly óndiristik bazalardyń, arnaıy tehnıkanyń jáne bilikti ınjenerlik-tehnıkalyq mamandardyń bar ekendigi týraly jalǵan málimetter usynǵan. Alaıda bul talaptarǵa naqty sáıkestik bolmaǵan. Nátıjesinde qoldanystaǵy biliktilik talaptaryn aınalyp ótip, 400-den astam zańdy tulǵa sáýlet, qala qurylysy jáne qurylys salalarynda І sanattaǵy lıtsenzııalardy zańsyz alǵan.
— Tintý sharalary barysynda zańsyz áreketterdi dáleldeıtin qujattar men zattaı aıǵaqtar tárkilendi. Osyndaı «qyzmetter» kórsetkeni úshin uıymdastyrýshylar 2 mln-nan 5 mln teńgege deıin aqshalaı syıaqy alyp otyrǵan. Tergeý jalǵasýda. QR QPK-niń 201-babyna sáıkes ózge aqparat jarııa etilmeıdi, — dedi QMA resmı ókili Ernar Taıjan.
Osydan buryn SQO-da qurylys kompanııalary aıaqtalmaǵan nysandardy paıdalanýǵa bergenin jazǵanbyz.
