400 kelilik mysyrlyq áıel asqazanyna ota jasaǵannan keıin bı bıledi
ASTANA. QazAqparat - Álemdegi eń aýyr áıel sanalatyn mysyrlyq Eman Ahmed Ab El Atı asqazanyna aryqtaýyna kómektesýi tıis ota sátti jasalǵannan bı bılep berdi.
Vıdeony mid-day basylymy jarııalady.
Ol Mýmbaıda aýrýhanadaǵy tóseginiń janynda arab áýenine bıledi. Oǵan ándi 37 jastaǵy ápkesi qoıyp berdi.
10 naýryzda úndistandyq dárigerler Eman Ahmedke ota jasady. Hırýrgter jeńqubyrlyq gastroplastıkanyń kómegimen onyń asqazanyn 85 paıyzǵa kishireıtti. Ota áıeldiń tutynatyn tamaq kólemin shekteýge járdemdesedi.
Aqpanda Mysyr turǵynyn semizdikten emdeý úshin Úndistanǵa jetkizgen bolatyn. Aýrýhanaǵa túskende onyń salmaǵy 500 keli edi. Onyń aǵzasyna kóp suıyqtyq jınalǵan. Budan basqa parazıttik qurt saldarynan elefantıaz dıagnozy qoıyldy.
Áıelge artyq salmaǵy qozǵalýǵa mursha bermeı, 20 jyldan astam Aleksandrııadaǵy úıinen shyǵa almaǵan.
