400-den astam júrgizýshi suıyq qaldyqtardy zańsyz tókkeni úshin jaýapqa tartyldy

ASTANA. KAZINFORM — «Taza Qazaqstan» respýblıkalyq aktsııasy aıasynda polıtsııa qyzmetkerleri qorshaǵan ortanyń jáne ortaq paıdalanylatyn oryndardyń lastaný faktilerin anyqtaý boıynsha kún saıyn reıdtik is-sharalar ótkizedi, dep habarlaıdy Polisia.kz.

Aktsııa bastalǵannan beri osy salada barlyǵy 300 myńnan astam quqyq buzýshylyq anyqtaldy.

Ókinishke qaraı, keıbir azamattar men uıymdar abattandyrý erejelerin elemeıdi, qoqys pen qaldyqtardy qaldyrý máselesine beıjaı qaraıdy.

Mysaly, elordalyq úılerdiń biriniń irgeles aýmaǵynda qurylys qoqystaryn tastap, abattandyrý erejelerin buzǵany úshin qurylys kompanııasy jaýapkershilikke tartyldy. Quqyq buzýshyǵa ákimshilik jaza qoldanyldy.

Jurtshylyqpen birge suıyq qaldyqtardy ruqsatsyz tógý jáne qoqystardy zańsyz shyǵarý faktileriniń jolyn kesý boıynsha jumystar júrgizilýde.

Ótken jyldyń sáýir aıynan bastap, ıaǵnı aktsııa bastalǵannan beri 400-den astam júk jáne assenızatorlyq kólik júrgizýshileri jaýapkershilikke tartyldy.

Mundaı quqyq buzýshylyqtar drondar men beınebaqylaý kameralarynyń kómegimen de tirkeledi. Polıtsııa azamattardy qorshaǵan ortaǵa uqypty qaraýǵa shaqyrady.