400-den astam medıtsınalyq uıymnyń 82 mlrd teńge qaryzy bar – mınıstr
ASTANA. KAZINFORM – Elimizde nesıe bereshegi bar medıtsınalyq uıymdardyń jaǵdaıy tekserilip jatyr. Onyń nátıjesinde uıym basshysynyń kinási anyqtalsa, jaýapqa tartylady.
Bul týraly Densaýlyq saqtaý mınıstri Aqmaral Álnazarova málim etti.
«Memlekettik medıtsınalyq uıymdardyń qarjylyq jaǵdaıy men qamtamasyz etý júıeli sharalardy talap etedi. Búginde 400-den astam medıtsınalyq uıymnyń 82 mlrd teńge somasynda nesıe bereshegi bary anyqtaldy. Onyń sebebi – medıtsınalyq tarıfter júıesiniń jetildirilmeýi, medıtsınalyq kómek kólemin aıqyndaýdyń ashyq jarııa etilmeýi», - dedi Aqmaral Álnazarova vedomstvonyń keńeıtilgen alqa otyrysynda.
Mınıstrdiń aıtýynsha, bıyl birinshi jartyjyldyqta qaıtarylǵan qarajat densaýlyq saqtaý salasynyń basym baǵyttaryna qaıta bólinedi, osylaısha emdeý-dıagnostıkalyq protsesi ońtaılandyrylmaq. Sonymen qatar medıtsınalyq kómektiń kólemin, shyǵystar jáne tarıftik saıasatty josparlaýdyń birqatar memlekettik fýnktsııasyn mınıstrlik qaramaǵyna qaıtarý josparlanyp otyr.
«Medıtsınalyq uıymdardyń basshylary óz kásiporyndarynyń rentabeldiligi máselesin sheshýi kerek, al nesıe bereshegi egjeı-tegjeıli tekserilip, kináli tulǵalar jaýapqa tartylady», - deıdi vedomstvo basshysy.
