400-den astam qazaqstandyq áskerı qyzmetshi shetelde daıarlyqtan ótýde (FOTO)

ASTANA. QazAqparat - Qazaqstandyq áskerı mamandardy shet memleketterdiń áskerı oqý oryndarynda daıarlaý - QR Qarýly Kúshteri qataryn biliktiligi joǵary kadrlarmen tolyqtyrý jáne kadrlar daıarlaý isindegi zamanaýı tájirıbeni zertteý jónindegi sharalar kesheniniń mańyzdy quramdas bóligi bolyp tabylady.

Qazaqstan Respýblıkasynyń Qorǵanys mınıstrligi Reseı, Belarýs, Túrkııa, Úndistan, Ońtústik Koreıa, Qytaı, AQSh jáne Ulybrıtanııa qorǵanys mınıstrlikteriniń joǵary oqý oryndarynda qazaqstandyq áskerı qyzmetshilerdi daıarlaýǵa qyzyǵýshylyq tanytyp otyr, dep habarlaıdy QR QM resmı saıty.

Qol jetkizilgen ýaǵdalastyqtar sheńberinde osy elderde bilim alýǵa qazirdiń ózinde 400-den astam áskerı qyzmetshi jiberilgen.

Sonymen qatar, Ujymdyq qaýipsizdik týraly shart uıymyna qatysýshy-memleketter úshin áskerı kadrlar daıarlaý týraly kelisim sheńberinde QR Qorǵanys mınıstrliginiń joǵary oqý oryndarynda Tájikstan, Qyrǵyzstan jáne Armenııa áskerı qyzmetshileri daıarlyqtan ótýde.