40 jyl jóndeý kórmegen Semeıdiń áýejaıy jańartylyp jatyr
ASTANA. QazAqparat - 40 jyl boıy kúrdeli jóndeý kórmegen Semeıdiń áýejaıy 2018 jyldyń birinshi jartysynda tolyq iske qosylady.
Bul týraly Shyǵys Qazaqstan oblysynyń ákimi Danıal Ahmetov Semeı qalasyna jasaǵan jumys sapary barysynda málim etti, dep habarlaıdy «QazAqparat» HAA tilshisi ShQO aqparattyq ortalyǵyna silteme jasap.
Ortalyqtyń habarlaýynsha, qazirgi tańda áýeıjaıdyń ushyp-qoný jolaǵy jańartylǵan. Jumys kestege saı qyzý júrip jatyr. Jyl basynan 4,8 mlrd teńge ıgerilgen.
«Az ýaqyt buryn kúrdeli isti qolǵa aldyq. Endi keler jyldyń maýsymynan bastap semeılikter ǵana emes, jaqyn mańdaǵy aýdan turǵyndary da joǵary qaýipsizdik talaptaryna tolyq jaýap beretin áýejaıdan ushý múmkindigine ıe bolady. Bul jer sondaı-aq, qaladaǵy mańyzdy ınfraqurylym qataryn tolyqtyrady. Oǵan senimin zor», - dedi aımaq basshysy.
Danıal Ahmetov áýejaı tolyq jóndelgennen keıin ushý geografııasy artatynyn aıtty. Tarıh taǵlymynda oıyp turyp oryn alar Semeı úshin bul týrısterdi tartýǵa mol múmkindik bereri sózsiz.
