40 jastan asqanda ózińdi basqasha sezinesiń - Gennadıı Golovkın

NUR-SULTAN. QazAqparat – Orta salmaqtaǵy birikken álem chempıony Gennadıı Golovkın Las Vegas Review Journal-men áńgimelesý barysynda Saýl «Kanelo» Alvarespen rıngte alǵash kezdeskennen keıingi tórt jyl ishinde qandaı ózgeris bolǵany týraly aıtty. Bul týraly QazAqparat Sports.kz saıtyna silteme jasap habarlaıdy.

Boksshylar 17 qyrkúıekte Las-Vegasta úshinshi ret jekpe-jekke shyǵady – bul joly Alvares ekinshi orta salmaqtaǵy absolıýtti álem chempıony ataǵyn báske tigedi.

«40 jastan asqanda ózińdi basqasha sezinesiń jáne 35 jaspen salystyrǵanda basqasha kórinesiń. Meniń jańa jattyqtyrýshym bar. Bizdiń jattyǵý protsesimiz de basqasha. Sońǵy tórt jyl ońaı bolmady. Tórt jyl — bul tórt sport maýsymy. Kez kelgen komandalyq sport túrin alyńyzshy — fýtbol nemese basketbol — sońǵy tórt maýsymda ne ózgergenin qarańyz. Ásirese mansabym aıaqtalatyn kezeńde naqty aıtý qıyn. Kóp nárse aıta berýge bolady. Sodan beri ózimde kóp ózgeris boldy», - dedi qazaqstandyq boksshy tilshige bergen suhbatynda.

Foto: sports.kz