40 jastaǵy ıtalııalyq áıel óz-ózine turmysqa shyqty
ASTANA. QazAqparat - Italııalyq Laýra Mesı 70 adamǵa arnalǵan úılený toıyn uymdastyryp, óz-ózine turmysqa shyqty. «Qalyńdyq» aq kóılek kıgen, úsh qabatty úılený toıy tortyn qoıǵan - bári naǵyz úılený toıyndaǵydaı, tek kúıeý jigit joq.
«Men bizdiń árqaısymyz eń aldymen ózimizdi jaqsy kórýimiz kerektigine nyq senimdimin. Ǵajaıyp ertegini hanzadasyz da jasaýǵa bolady», - deıdi fıtnes-jattyqtyrýshy bolyp isteıtin 40 jastaǵy Laýra Mesı.
Laýranyń «kúıeýge shyǵýy» zańdyq kúshke ıe emes. Alaıda onyń áreketi - jańa betalysqa baǵyt alǵandaı. 
Mundaı qalyńdyqsyz nemese kúıeý jigitsiz ótkiziletin «jeke-nekeniń» bastamashylary sharanyń ózińdi jaqsy kórýge jáne óz-ózińdi qabyldaýǵa, úılengen juptar sııaqty qoǵamdyq qurmetke ıe bolýǵa arnalǵanyn aıtady.
