40 tonnalyq júk kóligi júrgizýshisiz 10 shaqyrym jol júrgen

Oqıǵa Bad Rappenaý men Zınshaım qalalarynyń aralyǵyndaǵy A6 avtobanynda oryn aldy, dep habarlady Baq.kz.

Jergilikti polıtsııa ókilderiniń aıtýynsha, oqys jaǵdaı chehııalyq júrgizýshiniń rólde otyryp esinen tanyp qalýy saldarynan bolǵan. Alaıda, 40 tonnalyq júk kóligi avtomatty baqylaý júıesi (krýız-kontrol) arqyly óz «saparyn» jalǵastyra bergen.

Júrgizýshiniń es-tússiz jatqanynan habarsyz polıtseıler úsh jolaqty avtobannyń eki jolaǵyndaǵy joldy jaýyp, júrgizýshiden qaýipti qozǵalysty toqtatýdy talap etken. Al júk kóligi bolsa, jol jıeginde turǵan keıbir qurylǵylardy janaı búldirip ótkenimen, aýqymdy apatty jaǵdaıǵa týdyrmaǵan. Eń bastysy, eshbir adam zardap shekken joq. Keıin ony júrgizýshilerdiń demalýy úshin jasalǵan turaq janyna kelgende toqtatqan. Kólik ıesi asa aýyr jaǵdaıda aýrýhanada jatyr.